Qazaqstannyń eńbek sińirgen qairatkeri, akter Erkebulan Daiyrov elimizdegi sý tasqynyna bailanysty jeke pikir bildirip,sheneneýnikterdiń jumysyn synap tastady, dep habarlaidy Dalanews.kz.
“Es bilgeli aqsha jinap kele jatyrmyz. Buryn mektepte, synyptyń jóndeý jumystaryna bolsa, keiin aýylǵa sport keshenin salýǵa, odan qalsa aýyldan shyqqan ardaqty aqyndarmen, batyrlardyń toiyna jinaitynbyz. Mine, Allaǵa shúkir, aýyl-aimaqtan kóterilip, memlekettik deńgeidegi is-sharalarǵa, iaǵni tabiǵi apattarmen t.b tolyp jatqan jaǵdaiattarǵa at salysatyn boldyq. Keide maǵan bizdiń halyq, apanynda jatyp alyp, óz jarasyn ózi jalap jazatyn, aryp-ashyǵan kókbórini elestetedi. Qasietińnen, keń júregińnen ainalaiyn, qairan halqym, qadirińe jete almai jatyr-aý…
Al úkimet she? Kúltóbeniń basynda kúnde jiyn, nátije joq. Zańnyń túri anaý, mádeniet onsyz da túsinikti. Amalsyz ótkendegi maqal qaita oraldy oiyma. “Ittiń iesi bolsa, bóriniń táńirisi bar” degen sóz bar. Bári bir Allaǵa amanat! Bul zapyranyma da ýaqyt bólip oqyndaryńyzǵa raqmet!
Batysty sý shaiyp bitkenshe, Bishimbaevtyń onlain sotyn tamashalaiyq aǵaiyn!”, – dep jazdy akter áleýmettik paraqshasynda akter.
Esterińizge sala ketsek, kún jylysymen Qazaqstannyń birneshe aimaǵyn sý basyp, halyq qaýipsiz jerlerge kóshirilip jatyr.
