كەسٸپكەر, مەتسەنات تۇرسىن الاگٶزوۆ كەزەكتٸ مەرتە كٶپشٸلٸكتٸڭ ىقىلاسىنا بٶلەندٸ. جاڭا جىل مەرەكەسٸ قارساڭىندا “GALANZ Bottlers” كومپانيياسىنىڭ جاڭا جىلدىق كەشٸندە تاعى دا جومارتتىق كٶرسەتتٸ, دەپ حابارلايدى Dalanews.kz
2025 جىلعى قىزمەت قورىتىندىسىنا ارنالعان كورپوراتيۆتٸك كەش بارىسىندا ول ٶز قىزمەتكەرلەرٸن الداعى مەرەكەلەرٸمەن قۇتتىقتاپ, ٸزگٸ تٸلەگٸن بٸلدٸردٸ. سالتاناتتى جيىن بارىسىندا كەسٸپكەر كومپانييا قىزمەتكەرلەرٸنٸڭ 65 جاستان اسقان اتا-انالارىنا اي سايىن قارجىلاي قولداۋ كٶرسەتٸلەتٸنٸن مەلٸمدەدٸ. ونىڭ ايتۋىنشا, ەربٸر اتا-انا اي سايىن 50 مىڭ تەڭگە كٶلەمٸندە تٶلەماقى الادى.
بۇل باستاما – قىزمەتكەرلەردٸڭ اتا-انالارىنا وسىنداي سانالى, بٸلٸكتٸ ۇرپاق تەربيەلەپ ٶسٸرگەنٸ ٷشٸن كٶرسەتٸلگەن العىس پەن قۇرمەتتٸڭ بەلگٸسٸ.
قۋانىشتى حاباردى ەستٸگەن جينالعان قاۋىم كەسٸپكەردٸڭ بۇل يگٸ باستاماسىن زور قوشەمەتپەن قارسى الىپ, ىستىق ىقىلاستارىن بٸلدٸردٸ.
