Kásipker, metsenat Tursyn Alagózov kezekti márte kópshiliktiń yqylasyna bólendi. Jańa jyl merekesi qarsańynda “GALANZ Bottlers” kompaniiasynyń jańa jyldyq keshinde taǵy da jomarttyq kórsetti, dep habarlaidy Dalanews.kz
2025 jylǵy qyzmet qorytyndysyna arnalǵan korporativtik kesh barysynda ol óz qyzmetkerlerin aldaǵy merekelerimen quttyqtap, izgi tilegin bildirdi. Saltanatty jiyn barysynda kásipker kompaniia qyzmetkerleriniń 65 jastan asqan ata-analaryna ai saiyn qarjylai qoldaý kórsetiletinin málimdedi. Onyń aitýynsha, árbir ata-ana ai saiyn 50 myń teńge kóleminde tólemaqy alady.
Bul bastama – qyzmetkerlerdiń ata-analaryna osyndai sanaly, bilikti urpaq tárbielep ósirgeni úshin kórsetilgen alǵys pen qurmettiń belgisi.
Qýanyshty habardy estigen jinalǵan qaýym kásipkerdiń bul igi bastamasyn zor qoshemetpen qarsy alyp, ystyq yqylastaryn bildirdi.
