تاراز تۇرعىندارى جانۋارعا جاسالعان اسا قاتىگەز ەرەكەتتٸڭ كۋەسٸ بولدى. يتتٸ كٶلٸككە بايلاپ, اسفالتپەن سٷيرەگەن, دەپ حابارلايدى Dalanews.kz كتك-عا سٸلتەمە جاساپ.
قورقىنىشتى كادرلاردى تاڭەرتەڭ مەكتەپكە بارا جاتقان جەرگٸلٸكتٸ وقۋشى قىز تٷسٸرٸپ العان. موينىنا تۇزاق سالىنعان ٸرٸ الابايدى كٶلٸكتٸڭ ارتقى بٶلٸگٸنە تاباندارىنان بايلاپ, اسفالتپەن سٷيرەتكەن.
پوليتسييا رٶلدە ۆەتەرينارلىق باقىلاۋ ينسپەكتورى وتىرعانىن انىقتادى. وعان «جانۋارلارعا قاتىگەزدٸك كٶرسەتۋ» بابى بويىنشا قىلمىستىق ٸس قوزعالدى. قانداي جازا قولدانىلاتىنى ەزٸرگە بەلگٸسٸز. بارلىعى وقيعادان كەيٸن ەلٸ ەشكٸم كٶرمەگەن يتتٸڭ جاعدايىنا بايلانىستى بولماق.
«پوليتسييا قىزمەتكەرلەرٸ بولعان جايتتىڭ بارلىق مەن-جايىن انىقتاۋعا باعىتتالعان كەشەندٸ شارالار جٷرگٸزٸپ جاتىر. تەرگەۋ نەتيجەسٸ بويىنشا زاڭدى پروتسەسسۋالدىق شەشٸم قابىلدانادى. سونداي-اق ۇيىمعا زاڭبۇزۋشىلىقتاردى جويۋ تۋرالى ۇسىنىس جولداندى», – دەدٸ جامبىل وبلىسى پد اعا جەدەل ۋەكٸلٸ قۇندىز بٶگەنباەۆا.
