Taraz turǵyndary janýarǵa jasalǵan asa qatygez árekettiń kýási boldy. Itti kólikke bailap, asfaltpen súiregen, dep habarlaidy Dalanews.kz KTK-ǵa silteme jasap.
Qorqynyshty kadrlardy tańerteń mektepke bara jatqan jergilikti oqýshy qyz túsirip alǵan. Moinyna tuzaq salynǵan iri alabaidy kóliktiń artqy bóligine tabandarynan bailap, asfaltpen súiretken.
Politsiia rólde veterinarlyq baqylaý inspektory otyrǵanyn anyqtady. Oǵan «Janýarlarǵa qatygezdik kórsetý» baby boiynsha qylmystyq is qozǵaldy. Qandai jaza qoldanylatyny ázirge belgisiz. Barlyǵy oqiǵadan keiin áli eshkim kórmegen ittiń jaǵdaiyna bailanysty bolmaq.
«Politsiia qyzmetkerleri bolǵan jaittyń barlyq mán-jaiyn anyqtaýǵa baǵyttalǵan keshendi sharalar júrgizip jatyr. Tergeý nátijesi boiynsha zańdy protsessýaldyq sheshim qabyldanady. Sondai-aq uiymǵa zańbuzýshylyqtardy joiý týraly usynys joldandy», – dedi Jambyl oblysy PD aǵa jedel ýákili Qundyz Bógenbaeva.
