باس پروكۋراتۋرا مەن ينتەرپول ۇلتتىق ورتالىق بيۋروسىنىڭ قىزمەتكەرلەرٸ قر سىرتقى ٸستەر مينيسترلٸگٸنٸڭ كٶمەگٸمەن اسا ٸرٸ كٶلەمدە اقشا ۇرلاعانى ٷشٸن قىلمىستىق جاۋاپتىلىققا تارتۋ ماقساتىندا قازاقستان ازاماتىن شۆەتسييادان ەكستراديتسييالادى, دەپ حابارلايدى Dalanews.kz.
كٷدٸكتٸ 2018 جىلى ەكٸنشٸ دەڭگەيدەگٸ بانكتەردٸڭ بٸرٸنٸڭ موبيلدٸ قوسىمشاسىندا ورىن العان جٷيەلٸك قاتەلەردٸ پايدالانىپ, بانك كارتاسىنىڭ اعىمداعى شوتىنداعى تەڭگەرٸمنەن اساتىن سومالارعا ويدان شىعارىلعان اۋدارىمدار جاساعان.
سونىڭ سالدارىنان بانككە 55 ملن تەڭگە كٶلەمٸندە شىعىن كەلتٸرٸلگەن.
قىلمىس جاساعاننان كەيٸن كٷدٸكتٸ جاسىرىنىپ, وعان حالىقارالىق ٸزدەۋ جارييالانعان.
وسى جىلى ول شۆەتسييا كورولدٸگٸنٸڭ اۋماعىندا ۇستالىپ, قازاقستان باس پروكۋراتۋراسىنىڭ سۇراۋى بويىنشا ەلٸنە ەكستراديتسييالاندى.
قازٸر كٷدٸكتٸ ۋاقىتشا ۇستاۋ يزولياتورىنا قامالدى.
ايىپتالعان قىلمىستى جاساعانى ٷشٸن مٷلكٸ تەركٸلەنٸپ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلعان.
ايتا كەتەيٸك, شۆەتسييامەن ەكستراديتسييالاۋ تۋرالى كەلٸسٸم بولماسا دا, 2023 جىلدان بەرٸ بۇل ەلدەن قازاقستانعا 4 ادام, ونىڭ ٸشٸندە جالعان اقشا جاساۋ جەنە الاياقتىق ٷشٸن ەكستراديتسييالانعان.
