Bas prokýratýra men Interpol Ulttyq ortalyq biýrosynyń qyzmetkerleri QR Syrtqy ister ministrliginiń kómegimen asa iri kólemde aqsha urlaǵany úshin qylmystyq jaýaptylyqqa tartý maqsatynda Qazaqstan azamatyn Shvetsiiadan ekstraditsiialady, dep habarlaidy Dalanews.kz.
Kúdikti 2018 jyly ekinshi deńgeidegi bankterdiń biriniń mobildi qosymshasynda oryn alǵan júielik qatelerdi paidalanyp, bank kartasynyń aǵymdaǵy shotyndaǵy teńgerimnen asatyn somalarǵa oidan shyǵarylǵan aýdarymdar jasaǵan.
Sonyń saldarynan bankke 55 mln teńge kóleminde shyǵyn keltirilgen.
Qylmys jasaǵannan keiin kúdikti jasyrynyp, oǵan halyqaralyq izdeý jariialanǵan.
Osy jyly ol Shvetsiia Koroldiginiń aýmaǵynda ustalyp, Qazaqstan Bas prokýratýrasynyń suraýy boiynsha eline ekstraditsiialandy.
Qazir kúdikti ýaqytsha ustaý izoliatoryna qamaldy.
Aiyptalǵan qylmysty jasaǵany úshin múlki tárkilenip, bes jyldan on jylǵa deiingi merzimge bas bostandyǵynan aiyrý túrindegi jaza qarastyrylǵan.
Aita keteiik, Shvetsiiamen ekstraditsiialaý týraly kelisim bolmasa da, 2023 jyldan beri bul elden Qazaqstanǵa 4 adam, onyń ishinde jalǵan aqsha jasaý jáne alaiaqtyq úshin ekstraditsiialanǵan.
