نازاربايەۆ ۇلى تاۋماندى بيلىككە دايىنداپ جاتىر ما؟ تانىمال ساياساتكەر پىكىر ءبىلدىردى

كوركەم الدابەرگەنوۆا 03 ءساۋ. 2024 09:02 3850

ءبىرقاتار لاۋازىمدى قىزمەت اتقارعان مەملەكەت قايراتكەرى، شىمكەنتتىڭ ەكس-اكىمى امالبەك تشان ەكس-پرەزيدەنت نۇرسۇلتان نازاربايەۆ ۇلى تاۋماننىڭ بيلىككە دايىنداپ جاتقانى تۋرالى سوزدەرگە قاتىستى پىكىر ءبىلدىردى، - دەپ حابارلايدى Dalanews.kz

«ايتاتىنىم ءبىر-اق نارسە. نازاربايەۆتىڭ سونشا دۇنيە جيناعانى دالەلدەنگەن نارسە. قىزىندا ميلليارد، كۇيەۋبالاسىندا ميلليارد، نەمەرەسىندە ميلليارد. سول اقشانىڭ ءبارىن ۇرلاپ، ەمىن-ەركىن جۇرگەنى قالاي؟ قالاي وعان ونداي مۇمكىندىك تۋدى؟ نەگە؟ ولاردىڭ ءبارى جاۋاپ بەرۋى كەرەك قوي. بالاسى ەرتەڭ بولا ما، بولماي ما (بيلىكتە) ءبىر قۇداي بىلەدى. 

مەن ءوزىم دە جاقىندا دۋبايعا بارىپ كەلدىم. كىشى ۇلىممەن 10 كۇندەي بولىپ قايتتىم. مەن قۇرىلىسشىمىن عوي. دۋبايداعى بارلىق قۇرىلىستى، 6-7 ميلليون ادامدى اكەلىپ، جۇمىس بەرىپ، كەرەمەت قالا تۇرعىزعانىن كورگەندە جىلاعىم كەلدى. نەگە بەيشارامىز سونشا؟ (...) ولاردا قۇمنان باسقا ەشتەڭە جوق. بىزدە ءبارى بار. التىنعا بولەنىپ وتىرعان حالىقپىز. نەگە كەدەيمىز؟ نەگە بەيشارامىز؟

استانانىڭ قۇرىلىسىنىڭ ءبارى قىتايدىڭ كەراموگرانيتىمەن سالىنعان. سوندا 160 ميللياردەردى شىعارۋ ءۇشىن استاناعا كوشىردىك پا؟»، - دەيدى امالبەك تشان دەمكوراتيالى قازاقستان YouTube-ارناسىنا بەرگەن سۇحباتىندا.

بۇعان دەيىن 26 ناۋرىزدا ەكس-پرەزيدەنت نازاربايەۆتىڭ قايدا جۇرگەنى ايتىلعان ەدى. تەلەگرام ارنالاردا نۇرسۇلتان نازاربايەۆتىڭ ءبىر توپ ستۋدەنتپەن تۇسكەن سۋرەتى تاراي باستادى.

“چەمودان گوسسەكرەتوۆ” تەلەگرام ارناسىنداعى مالىمەت بويىنشا، ەكس-پرەزيدەنت ابۋ-دابيدە ءجۇر.

دەرەككءوزدەردىڭ مءالىمەتىنشە، نازاربايەۆ 19 ناۋرىزدان بەرى بىرىككەن اراب ءامىرلىكتەرىندە جءۇر.

ول شەتەلدە وقىپ جۇرگەن ۇلىمەن كەزدەسۋگە بارعان.

ايتا كەتەيىك،بىلتىر قاراشانىڭ باسىندا DALA INSIDE تەلەگرام ارناسى نۇرسۇلتان ءابىش ۇلىنىڭ كوز مايىن تاۋىسىپ كىتاپ جازىپ جاتقانىن حابارلاعان. ارناعا جەتكەن مالىمەت بويىنشا نازاربايەۆ ءوزى ومىردەن وتكەسىن سوڭىنان ءسوز ەرگەنىن قالاماعان. سوندىقتان وسى وتىز جىلدا باستان كەشكەنىن ءبىر كىتاپقا سىيدىرۋدى ءجون ساناعان.

كىتاپتا ساياسي ايتىس-تارتىستان بولەك، جەكە ومىرىنە قاتىستى قىم-قۋىت وقيعالاردى جىپكە تىزەدى. توقالى بار (ەكىنشى وتباسى) ەكەنىن تۇڭعىش رەت مويىندايدى. اسەل يسابايەۆاعا ەس-تۇسسىز عاشىق بولعانىن ايتا كەلە، ەكەۋىنىڭ اراسىنداعى ماحاببات حيكاياسىن مايىن تامىزىپ باياندايدى.

ودان تۋعان ەكى ۇل - تاۋمان مەن بايكەننىڭ ۇرپاق ساباستىعىن جالعاپ، اۋلەتتىڭ ۇزىلگەلى تۇرعان ءۇمىتىن قايتا تىرىلتكەنىن اڭگىمەلەيدى.

نازاربايەۆتىڭ قوس مۇراگەرى - ات جالىن تارتىپ مىنەر جاسقا جەتتى. تاۋمان 2005 جىلى ومىرگە كەلسە، بايكەن 2008 جىلى دۇنيە ەسىگىن اشقان.
 


ۇسىنىلعان
سوڭعى جاڭالىقتار
x