Birqatar laýazymdy qyzmet atqarǵan memleket qairatkeri, Shymkenttiń eks-ákimi Amalbek Tshan eks-prezident Nursultan Nazarbaev uly Taýmannyń bilikke daiyndap jatqany týraly sózderge qatysty pikir bildirdi, - dep habarlaidy Dalanews.kz.
«Aitatynym bir-aq nárse. Nazarbaevtyń sonsha dúnie jinaǵany dáleldengen nárse. Qyzynda milliard, kúieýbalasynda milliard, nemeresinde milliard. Sol aqshanyń bárin urlap, emin-erkin júrgeni qalai? Qalai oǵan ondai múmkindik týdy? Nege? Olardyń bári jaýap berýi kerek qoi. Balasy erteń bola ma, bolmai ma (bilikte) bir qudai biledi.
Men ózim de jaqynda Dýbaiǵa baryp keldim. Kishi ulymmen 10 kúndei bolyp qaittym. Men qurylysshymyn ǵoi. Dýbaidaǵy barlyq qurylysty, 6-7 million adamdy ákelip, jumys berip, keremet qala turǵyzǵanyn kórgende jylaǵym keldi. Nege beisharamyz sonsha? (...) Olarda qumnan basqa eshteńe joq. Bizde bári bar. Altynǵa bólenip otyrǵan halyqpyz. Nege kedeimiz? Nege beisharamyz?
Astananyń qurylysynyń bári Qytaidyń keramogranitimen salynǵan. Sonda 160 milliarderdi shyǵarý úshin Astanaǵa kóshirdik pa?», - deidi Amalbek Tshan Demkoratiialy Qazaqstan YouTube-arnasyna bergen suhbatynda.
Buǵan deiin 26 naýryzda eks-prezident Nazarbaevtyń qaida júrgeni aitylǵan edi. Telegram arnalarda Nursultan Nazarbaevtyń bir top stýdentpen túsken sýreti tarai bastady.
“Chemodan gossekretov” telegram arnasyndaǵy málimet boiynsha, eks-prezident Abý-Dabide júr.
Derekkózderdiń málimetinshe, Nazarbaev 19 naýryzdan beri Birikken Arab Ámirlikterinde júr.
Ol shetelde oqyp júrgen ulymen kezdesýge barǵan.
Aita keteiik,byltyr qarashanyń basynda DALA INSIDE telegram arnasy Nursultan Ábishulynyń kóz maiyn taýysyp kitap jazyp jatqanyn habarlaǵan. Arnaǵa jetken málimet boiynsha Nazarbaev ózi ómirden ótkesin sońynan sóz ergenin qalamaǵan. Sondyqtan osy otyz jylda bastan keshkenin bir kitapqa syidyrýdy jón sanaǵan.
Kitapta saiasi aitys-tartystan bólek, jeke ómirine qatysty qym-qýyt oqiǵalardy jipke tizedi. Toqaly bar (ekinshi otbasy) ekenin tuńǵysh ret moiyndaidy. Ásel Isabaevaǵa es-tússiz ǵashyq bolǵanyn aita kele, ekeýiniń arasyndaǵy mahabbat hikaiasyn maiyn tamyzyp baiandaidy.
Odan týǵan eki ul - Taýman men Báikenniń urpaq sabastyǵyn jalǵap, áýlettiń úzilgeli turǵan úmitin qaita tiriltkenin áńgimeleidi.
Nazarbaevtyń qos murageri - at jalyn tartyp miner jasqa jetti. Taýman 2005 jyly ómirge kelse, Báiken 2008 jyly dúnie esigin ashqan.
