الماتىدا «تسيفرلاندىرۋ دەۋٸرٸندەگٸ ماسس-مەديا ترانسفورماتسيياسى» اتتى دٶڭگەلەك ٷستەلدە بەلگٸلٸ ساراپشى ايبار ولجاەۆ 2027 جىلداعى مەديانىڭ ٶمٸرٸنە بولجام جاسادى, دەپ حابارلايدى Dalanews.kz.
ونىڭ سٶزٸنشە, 2027 جىل مەديا ٷشٸن قيىن بولماق.
"Meta قازاقستانعا شامامەن 6-7 ملرد تەڭگە سالىق تٶلەيدٸ. ونىڭ ٸشٸندە حالىقارالىق ماركەتپلەيستەر بار. بٸراق بٸزدە مٷلدە باسقا پروبلەما بولىپ تۇر. 2027 جىلدان باستاپ قازاقستاندا جەكە تەلەارنالاردى ۇستاۋ قيىن بولادى. ولار مەملەكەتتٸك تاپسىرىسپەن جۇمىس ٸستەۋٸ كەرەك بولادى. نەمەسە تەك مەملەكەتتٸك دوتاتسيياداعى ارنالار قالادى. قالعاندارىنا ٶتە قيىن بولادى. مەملەكەتتٸك تەلەارنالارعا دا قيىن بولۋى مٷمكٸن. سەبەبٸ ولار 7-8 ملرد تەڭگەنٸ جارناما ارقىلى تاپسا, قالعانىن بيۋدجەتتەن الاتىن. ەندٸ ولاردىڭ دا جارناماسى قىسقارسا, بيۋدجەتٸ ازايادى. ادام سانى قىسقارۋى مٷمكٸن. وسى تۇستا جاساندى ينتەللەكت داميدى. كٶپ ديكتوردى جاساندى ينتەللەكتكە اۋىستىرۋى مٷمكٸن. بٸراز ادام جۇمىسسىز قالادى", - دەيدٸ ايبار ولجاەۆ.
ساراپشىنىڭ سٶزٸنشە, بٷگٸندە جاساندى ينتەللەكتتٸڭ ەسەرٸ سايتتارعا دا تيٸپ جاتىر.
"ينتەرنەت, سايتتار دا قينالىپ جاتىر. سەبەبٸ ادامدار جاڭالىققا كٸرمەيدٸ. ادامدار بارىپ, جاساندى ينتەللەكتتەن سۇراي سالادى. جاساندى كليكبەيتتٸڭ 40 پايىزىن "ۇرلاپ" كەتكەن. رەيتينگتەر قۇلاپ جاتىر. 2027 جىل سايتتار ٷشٸن دە قيىن بولادى", - دەيدٸ مامان.
