Almatyda «Tsifrlandyrý dáýirindegi mass-media transformatsiiasy» atty dóńgelek ústelde belgili sarapshy Aibar Oljaev 2027 jyldaǵy medianyń ómirine boljam jasady, dep habarlaidy Dalanews.kz.
Onyń sózinshe, 2027 jyl media úshin qiyn bolmaq.
"Meta Qazaqstanǵa shamamen 6-7 mlrd teńge salyq tóleidi. Onyń ishinde halyqaralyq marketpleister bar. Biraq bizde múlde basqa problema bolyp tur. 2027 jyldan bastap Qazaqstanda jeke telearnalardy ustaý qiyn bolady. Olar memlekettik tapsyryspen jumys isteýi kerek bolady. Nemese tek memlekettik dotatsiiadaǵy arnalar qalady. Qalǵandaryna óte qiyn bolady. Memlekettik telearnalarǵa da qiyn bolýy múmkin. Sebebi olar 7-8 mlrd teńgeni jarnama arqyly tapsa, qalǵanyn biýdjetten alatyn. Endi olardyń da jarnamasy qysqarsa, biýdjeti azaiady. Adam sany qysqarýy múmkin. Osy tusta jasandy intellekt damidy. Kóp diktordy jasandy intellektke aýystyrýy múmkin. Biraz adam jumyssyz qalady", - deidi Aibar Oljaev.
Sarapshynyń sózinshe, búginde jasandy intellekttiń áseri saittarǵa da tiip jatyr.
"Internet, saittar da qinalyp jatyr. Sebebi adamdar jańalyqqa kirmeidi. Adamdar baryp, jasandy intellektten surai salady. Jasandy klikbeittiń 40 paiyzyn "urlap" ketken. Reitingter qulap jatyr. 2027 jyl saittar úshin de qiyn bolady", - deidi maman.
