جۇرگىزۋشى كۋالىگىن مەرزىمىنەن بۇرىن اۋىستىرۋ تۋرالى فەيكتى پوليسيا جوققا شىعاردى، دەپ حابارلايدى Dalanews.kz.
الەۋمەتتىك جەلىلەردە جۇرگىزۋشى كۋالىگىن مەرزىمىنەن بۇرىن اۋىستىرۋ قاجەت دەگەن فەيك اقپارات تارادى. پوليسيا قۇجاتتاردى بەرۋ ءتارتىبى وزگەرمەگەنىن مالىمدەدى.
اباي وبلىسىنىڭ پوليسيا دەپارتامەنتى الەۋمەتتىك جەلىلەر مەن مەسسەندجەرلەردە قولدانىلۋ مەرزىمى الداعى ءتورت جىلدا اياقتالاتىن جۇرگىزۋشى كۋالىكتەرىن الدىن الا اۋىستىرۋ قاجەت دەگەن جالعان اقپارات تاراۋدا. بۇل مالىمەتتەر شىندىققا سايكەس كەلمەيدى.
«جۇرگىزۋشى كۋالىكتەرىن بەرۋ جانە اۋىستىرۋ ءتارتىبى وزگەرگەن جوق. قۇجاتتار تەك ولاردىڭ قولدانىلۋ مەرزىمى اياقتالعاننان كەيىن جانە بەلگىلەنگەن تارتىپپەن عانا اۋىستىرىلادى. قايتا ەمتيحان تاپسىرۋدى نەمەسە قانداي دا ءبىر شەكتەۋلەردى قوسا العاندا، قوسىمشا تالاپتار جوق»، - دەپ حابارلادى پوليسيا.
