Júrgizýshi kýáligin merziminen buryn aýystyrý týraly feıkti polısıa joqqa shyǵardy, dep habarlaıdy Dalanews.kz.
Áleýmettik jelilerde júrgizýshi kýáligin merziminen buryn aýystyrý qajet degen feık aqparat tarady. Polısıa qujattardy berý tártibi ózgermegenin málimdedi.
Abaı oblysynyń polısıa departamenti áleýmettik jeliler men messendjerlerde qoldanylý merzimi aldaǵy tórt jylda aıaqtalatyn júrgizýshi kýálikterin aldyn ala aýystyrý qajet degen jalǵan aqparat taraýda. Bul málimetter shyndyqqa sáıkes kelmeıdi.
«Júrgizýshi kýálikterin berý jáne aýystyrý tártibi ózgergen joq. Qujattar tek olardyń qoldanylý merzimi aıaqtalǵannan keıin jáne belgilengen tártippen ǵana aýystyrylady. Qaıta emtıhan tapsyrýdy nemese qandaı da bir shekteýlerdi qosa alǵanda, qosymsha talaptar joq», - dep habarlady polısıa.
