اتىراۋ وبلىسىندا 14 جەلتوقساننان بەرى ءىز-تۇزسىز كەتكەن ەر ادام ءولى كۇيىندە تابىلدى، دەپ حابارلايدى Dalanews.kz.
وبلىستىق پوليسيا دەپارتامەنتىنىڭ مالىمەتىنشە، 1964 جىلى تۋعان ازاماتتىڭ ءمايىتى جىلىوي اۋدانى اۋماعىنداعى قامىس باسقان جەردە انىقتالعان.
"اتالعان ازامات 15 جەلتوقسان كۇنى ىزدەۋگە جاريالانعان. قازىرگى تاڭدا وقيعانىڭ بارلىق ءمان-جايىن انىقتاۋ ءۇشىن ءتيىستى تەكسەرۋ امالدارى جۇرگىزىلۋدە. تەرگەۋ مۇددەسىنە بايلانىستى قوسىمشا اقپارات تاراتىلمايدى"، – دەپ حابارلادى پوليسيا.
