Atyraý oblysynda 14 jeltoqsannan beri iz-túzsiz ketken er adam óli kúiinde tabyldy, dep habarlaidy Dalanews.kz.
Oblystyq politsiia departamentiniń málimetinshe, 1964 jyly týǵan azamattyń máiiti Jylyoi aýdany aýmaǵyndaǵy qamys basqan jerde anyqtalǵan.
"Atalǵan azamat 15 jeltoqsan kúni izdeýge jariialanǵan. Qazirgi tańda oqiǵanyń barlyq mán-jaiyn anyqtaý úshin tiisti tekserý amaldary júrgizilýde. Tergeý múddesine bailanysty qosymsha aqparat taratylmaidy", – dep habarlady politsiia.
