الماتى كوشەلەرىنىڭ بىرىندە “Almaty parking” كومپانياسىنا تيەسىلى كولىكتىڭ جول قوزعالىسى ۇستىندەگى، ياعني تۇراقتا تۇرماعان كولىكتەردەن تۇراق اقىسى رەتىندە اقشا تولەۋدى تالاپ ەتكەن ۆيدەوسى تارادى، دەپ حابارلايدى Dalanews.kz
مۇنداي قولايسىز جاعدايلار “Almaty parking” تاراپىنان بۇعان دەيىن دە بىرنەشە رەت ورىن العان. وقيعاعا ءماجىلىس دەپۋتاتتارى دا ءۇن قوسىپ جاتىر. اتالعان ماسەلە پارلامەنتتە دە كوتەرىلگەن. مۇرات ابەنوۆ، باقىتجان بازاربەكتەردىڭ ايتۋىنشا، كولىك كەپتەلىستە، قوزعالىس ۇستىندە تۇرعاندا ولاردى سۋرەتكە ءتۇسىرىپ، اقىلى تۇراقتا تۇرعانداي ەسەپتەپ، ايىپپۇل سالۋ دەرەكتەرى كەزدەسكەن.
«مەنىڭ بىلۋىمشە، بۇل اۆتوتۇراق جۇيەسى بارلىق اۆتوتۇراقتاردى مەملەكەت قاراماعىنا وتكىزىپ، ءتارتىپ ورناتامىز دەپ مالىمدەگەن ەدى. الايدا كورىپ وتىرعانىمىزداي، ءىس جۇزىندە ورىن الىپ جاتقان باسسىزدىقتار مۇلدە باسقاشا»، – دەدى مۇرات ابەنوۆ.
ايتا كەتەيىك، ءماجىلىس دەپۋتاتتارى باقىتجان بازاربەك پەن اسحات ايماعامبەتوۆ جەكەمەنشىك اۆتوتۇراق جەرلەرىن اكىمدىك قاراماعىنا وتكىزۋ جانە تۇراقتان جينالعان قارجىنى قالالىق بيۋدجەتكە باعىتتاۋ جونىندە قۇرىلىس كودەكسىنە وزگەرىستەر ەنگىزىپ، ءتيىستى زاڭدى قابىلداعان بولاتىن.
