Almaty kósheleriniń birinde “Almaty parking” kompaniiasyna tiesili kóliktiń jol qozǵalysy ústindegi, iaǵni turaqta turmaǵan kólikterden turaq aqysy retinde aqsha tóleýdi talap etken videosy tarady, dep habarlaidy Dalanews.kz
Mundai qolaisyz jaǵdailar “Almaty parking” tarapynan buǵan deiin de birneshe ret oryn alǵan. Oqiǵaǵa Májilis depýtattary da ún qosyp jatyr. Atalǵan másele Parlamentte de kóterilgen. Murat Ábenov, Baqytjan Bazarbekterdiń aitýynsha, kólik kepteliste, qozǵalys ústinde turǵanda olardy sýretke túsirip, aqyly turaqta turǵandai eseptep, aiyppul salý derekteri kezdesken.
«Meniń bilýimshe, bul avtoturaq júiesi barlyq avtoturaqtardy memleket qaramaǵyna ótkizip, tártip ornatamyz dep málimdegen edi. Alaida kórip otyrǵanymyzdai, is júzinde oryn alyp jatqan bassyzdyqtar múlde basqasha», – dedi Murat Ábenov.
Aita keteiik, Májilis depýtattary Baqytjan Bazarbek pen Ashat Aimaǵambetov jekemenshik avtoturaq jerlerin ákimdik qaramaǵyna ótkizý jáne turaqtan jinalǵan qarjyny qalalyq biýdjetke baǵyttaý jóninde qurylys kodeksine ózgerister engizip, tiisti zańdy qabyldaǵan bolatyn.
