«الاكول قازىرگى تاڭدا ەلىمىزدەگى نەگىزگى باسىمدىققا يە تۋريستىك ورىننىڭ ءبىرى. سوڭعى 3-4 جىلدا الاكولدىڭ ينفراقۇرىلىمىن دامىتۋعا جانە اباتتاندىرۋعا 6 ملرد تەڭگەدەن اساتىن قارجى ءبولىندى.
ءتۋريزمدى ءارى قاراي دامىتا تۇسەمىز. الداعى 4 جىلدا 28 ميلليارد تەڭگەگە الاكولدە 7 ءىرى ينفراقۇرىلىمدىق جوبانى جۇزەگە اسادى. سونىڭ ءبىرى – الاكول سۋىنىڭ ەمدىك قاسيەتى. رەسەيدەگى كۋرورتولوگيا جانە فيزيوتەراپيا ينستيتۋتى كولدىڭ سۋىن ءبىر جىل بويى زەرتتەپ، ساۋىقتىرۋ ءتۋريزمىن دامىتۋدا تاپتىرماس ورىن دەگەن قورىتىندىعا كەلدى.
وسى زەرتتەۋ ناتيجەلەرىنىڭ ءوزى الاكولدە شيپاجاي سالۋعا بولاتىنىن كورسەتىپ وتىر»، - دەدى دانيال احمەتوۆ وكق-دا وتكەن باسپا ءسوز ءماسليحاتىندا.
وبلىس باسشىسى سونىمەن قاتار الاكول جاعالاۋىنىڭ دامۋى وبلىس قانا ەمەس، كۇللىڭ ەلدىڭ ەكونوميكالىق احۋالىنا وڭ اسەر ەتىپ، بيۋدجەتكە ءتۇسىمىنىڭ ارتۋىنا ىقپال ەتەتىنىن جەتكىزدى.
«وتكەن جىلمەن سالىستىرعاندا بيىلعى جىلى الاكولدىڭ تابىس مولشەرى 1،6 ەسە ءوستى. سونىمەن بىرگە وڭىردە مەديسينالىق ءتۋريزمدى دامىتۋعا بارلىق جاعداي جاسالدى.
قازىرگى تاڭدا قازاقستاندا 5 مەديسينالىق قىزمەت - مەديسينالىق ءتۋريزمدى دامىتۋدا ارتىقشىلىققا يە بولۋى مۇمكىن. ولاردىڭ ۇشەۋى - كارديوحيرۋرگيا، نەيروحيرۋرگيا، بىرلەسكەن پروتەزدەۋ - شىعىس قازاقستان وبلىسىنىڭ كلينيكالارىندا بار»، - دەدى ول.
ايتا كەتسەك، بيىلعى جىلى الاكولگە ورتا ەسەپپەن العاندا 750 مىڭ تۋريست كەلگەن. بۇل وتكەن جىلعى كورسەتكىشپەن سالىستىرعاندا 25 پايىزعا كوپ.
