قازاقستان ازاماتتارىنىڭ باسىم بٶلٸگٸ ەلدٸڭ دامۋ باعىتىن قولداپ, مەملەكەتتٸك ينستيتۋتتارعا جوعارى سەنٸم بٸلدٸرٸپ وتىر. بۇل تۋرالى سەۋٸر ايىندا جٷرگٸزٸلگەن Demoscope ساۋالناماسىنىڭ نەتيجەسٸندە بەلگٸلٸ بولدى, دەپ حابارلايدى Dalanews.kz.
زەرتتەۋ ەلدٸڭ بارلىق ٶڭٸرٸن قامتىعان. نەتيجەگە سەيكەس, ەڭ جوعارى سەنٸم دەڭگەيٸ پرەزيدەنت ينستيتۋتىنا تيەسٸلٸ. مەملەكەت باسشىسىنا رەسپوندەنتتەردٸڭ 61,3%-ى سەنٸم بٸلدٸرگەن.
سونىمەن قاتار ٷكٸمەتكە – 47,4%, جەرگٸلٸكتٸ ەكٸمدٸكتەرگە – 50,2%, پارلامەنتكە – 40,5%, قۇقىق قورعاۋ ورگاندارىنا – 46,8%, ال سوت جٷيەسٸنە 43,7% ازامات سەنٸم ارتاتىنى انىقتالدى.
ساۋالناما نەتيجەسٸندە بارلىق مەملەكەتتٸك ينستيتۋتتار بويىنشا سەنٸم بٸلدٸرگەن ازاماتتاردىڭ ٷلەسٸ سىن كٶزبەن قارايتىنداردان جوعارى ەكەنٸ كٶرسەتٸلگەن.
سونداي-اق, رەسپوندەنتتەردٸڭ 72,4%-ى قازاقستاننىڭ دامۋ باعىتىن دۇرىس دەپ باعالاعان. ونىڭ ٸشٸندە 44,6%-ى ەل «دۇرىس باعىتتا» كەلە جاتىر دەسە, 27,8%-ى «كٶبٸنە دۇرىس باعىتتا» دەپ جاۋاپ بەرگەن.
زەرتتەۋ قورىتىندىسى بويىنشا, «ەدٸلەتتٸ قازاقستان» تۇجىرىمداماسىنا دا ايتارلىقتاي قولداۋ بار. رەسپوندەنتتەردٸڭ 55,6%-ى بۇل ۇستانىم ناقتى ٸس جٷزٸندە جٷزەگە اسىپ جاتىر دەپ ەسەپتەيدٸ.
ساۋالناماعا ەلٸمٸزدٸڭ بارلىق ٶڭٸرلەرٸنەن ازاماتتار قاتىسقان. قاتىسۋشىلاردىڭ 65,8%-ى قازاق تٸلٸندە جاۋاپ بەرگەن.
