مەجٸلٸستە اليمەنت تٶلەمدەرٸن قامتاماسىز ەتۋ ٷشٸن ارنايى مەملەكەتتٸك قور قۇرۋ ۇسىنىلدى. دەپۋتات ماگەررام ماگەرراموۆتىڭ سٶزٸنشە, بۇل زاڭسىز الىنعان اكتيۆتەردٸ قايتارۋدان تٷسكەن قاراجات ەسەبٸنەن قالىپتاسادى, دەپ حابارلايدى Dalanews.kz.
پلەنارلىق وتىرىستا اتقارۋشىلىق ٸس جٷرگٸزۋگە قاتىستى تٷزەتۋلەردٸ تالقىلاۋ كەزٸندە دەپۋتات اليمەنت بويىنشا بەرەشەك كٶلەمٸ كەيٸنگٸ جىلدارى كٷرت ٶسكەنٸن ايتتى. ايتۋىنشا, سوڭعى 10 جىلدا قارىز كٶلەمٸ توعىز ەسە ارتقان.
"2016 جىلى اليمەنت قورى قاجەت ەكەنٸن العاش كٶتەرگەن كەزدە بەرەشەك 2 ملرد تەڭگە ەدٸ. قازٸر ەدٸلەت مينيسترلٸگٸنٸڭ مەلٸمەتٸنشە, بۇل سوما 18 ملرد تەڭگەگە جەتتٸ. ونىڭ ٶزٸ – ٷش ايدان استام تٶلەنبەگەن قارىزدار عانا. بٷگٸندە قازاقستاندا 300 مىڭنان استام بالا اليمەنتكە مۇقتاج. ولاردىڭ اراسىندا مٷمكٸندٸگٸ شەكتەۋلٸ بالالار دا بار", – دەدٸ دەپۋتات.
وسىعان بايلانىستى ول ٷكٸمەتتەن, اتاپ ايتقاندا ەدٸلەت مينيسترلٸگٸنەن, سالىقتىق ەمەس تٷسٸمدەر ەسەبٸنەن ارنايى قور قۇرىپ, كەيٸن بۇل قاراجاتتى بورىشكەرلەردەن ٶندٸرٸپ الۋ تەتٸگٸن قاراستىرۋدى سۇرادى.
ٶز كەزەگٸندە ەدٸلەت ۆيتسە-مينيسترٸ بەكبولات مولدابەكوۆ اتالعان مەسەلە ەلٸ دە پىسىقتالىپ جاتقانىن جەتكٸزدٸ. ونىڭ ايتۋىنشا, مۇنداي شەشٸم بيۋدجەتكە تٸكەلەي ەسەر ەتەتٸندٸكتەن قارجى مينيسترلٸگٸ مەن ۇلتتىق ەكونوميكا مينيسترلٸگٸمەن كەلٸسۋدٸ قاجەت ەتەدٸ.
ايتا كەتەيٸك, اليمەنت قورى تۋرالى باستاما دەپۋتاتتار تاراپىنان 2024 جىلدان بەرٸ كٶتەرٸلٸپ كەلەدٸ. بۇعان دەيٸن ٷكٸمەت بۇل ۇسىنىستى قولداماعان. الايدا قارىز كٶلەمٸنٸڭ ٶسۋٸنە بايلانىستى ەندٸ اتالعان مەسەلەنٸ قايتا قاراۋ جوسپارلانىپ وتىر.
