پارلامەنت ءماجىلىسىنىڭ دەپۋتاتى نارتاي ارالباي تۇرعىن ءۇي مەن حالىق قاراجاتىنىڭ جۇمسالۋىنا قاتىستى اشىقتىق ماسەلەسىن كوتەردى، دەپ حابارلايدى Dala News.
ونىڭ ايتۋىنشا، ازاماتتار ءوز قارجىسىنىڭ قالاي جۇمسالىپ جاتقانىن تۇسىنبەيدى، ال بۇل سەنىمسىزدىككە اكەلىپ وتىر.
«ادامداردىڭ ءۇيسىز ءجۇرىپ، ءوز قاراجاتىن پايدالانۋعا مۇمكىندىگى بولماي وتىر. قانشا اقشا جينالىپ جاتىر، قايدا جۇمسالىپ جاتىر – ناقتى بىلمەيمىز. اشىقتىق جوق، باقىلاۋ جوق. اقشا ءتۇسىپ جاتقانىن كورەمىز، ءبىراق ونىڭ قايدا كەتكەنىن ەشكىم تۇسىندىرمەيدى»، – دەدى دەپۋتات.
نارتاي ارالباي بۇل ماسەلە تەك تۇرعىن ۇيمەن شەكتەلمەيتىنىن، جالپى قارجىنىڭ ءتيىمدى يگەرىلۋىنە قاتىستى ەكەنىن اتاپ ءوتتى. ونىڭ پىكىرىنشە، حالىقتىڭ قاراجاتىنا بايلانىستى بارلىق پروسەستەر اشىق ءارى تۇسىنىكتى بولۋى ءتيىس.
«حالىق ءوز اقشاسىنىڭ قوزعالىسىن باقىلاپ وتىرۋى كەرەك. ءار تەڭگەنىڭ قايدا كەتكەنى كورىنىپ تۇرۋى ءتيىس. ءقازىر ونداي مۇمكىندىك جوق. سول سەبەپتى ادامداردا كۇمان كوپ، سەنىم از»، – دەدى ول.
دەپۋتات بۇل باعىتتا اشىقتىقتى ارتتىراتىن ناقتى مەحانيزمدەر قاجەت ەكەنىن ايتتى.
