قازاقستاندا جەكە سوت ورىنداۋشىلارىنا قويىلاتىن تالاپتار مەن باقىلاۋ تەتٸكتەرٸ كٷشەيتٸلەدٸ, دەپ حابارلايدى Dala News.
مەجٸلٸستە ماقۇلدانعان زاڭ جوباسىنا سەيكەس, جەكە سوت ورىنداۋشىلارىن مٸندەتتٸ تٷردە قايتا اتتەستاتتاۋ ەنگٸزٸلەدٸ. اتتەستاتتاۋ بارىسىندا ولاردىڭ زاڭنامانى جەنە كەسٸپتٸك ار-نامىس كودەكسٸن بٸلۋ دەڭگەيٸ تەكسەرٸلەدٸ. قايتا اتتەستاتتاۋدان ٶتپەگەن تۇلعالار ليتسەنزيياسىنان ايىرىلۋى مٷمكٸن.
سونىمەن قاتار كٶمەكشٸلەر مەن تاعىلىمدامادان ٶتۋشٸلەرگە قويىلاتىن تالاپتار دا قاتاڭداتىلادى. اتاپ ايتقاندا, سوڭعى ٷش جىل ٸشٸندە سىبايلاس جەمقورلىق قۇقىق بۇزۋشىلىقتارى ٷشٸن جاۋاپقا تارتىلعان ادامداردى بۇل قىزمەتكە جٸبەرۋگە شەكتەۋ قويىلادى.
زاڭ جوباسىندا ەدٸلەت ورگاندارىنىڭ باقىلاۋ ٶكٸلەتتٸكتەرٸن كەڭەيتۋ دە قاراستىرىلعان. ەندٸ ولار انىقتالعان بۇزۋشىلىقتاردى جويۋ تۋرالى مٸندەتتٸ ۇسىنىستار ەنگٸزە الادى. ەگەر بۇل تالاپتار ورىندالماسا, ليتسەنزييانىڭ قولدانىلۋىن ۋاقىتشا توقتاتۋ قۇقىعى بەرٸلەدٸ.
بۇدان بٶلەك, ۋەكٸلەتتٸ ورگانداردىڭ سۇراۋى بويىنشا جەكە سوت ورىنداۋشىلارى ٶز شوتتارىنداعى قاراجات قوزعالىسى تۋرالى مەلٸمەتتەردٸ ۇسىنۋعا مٸندەتتەلەدٸ.
وسى ٶزگەرٸستەر جەكە سوت ورىنداۋشىلارىنىڭ قىزمەتٸن اشىق ەرٸ جاۋاپتى ەتۋگە باعىتتالعان.
