«مارقاكٶل جەنە ٶزگە دە اۋدانداردى قايتا قۇرۋ مەسەلەسٸنە توقتالىپ ٶتەيٸن. يە, ماعان مۇنداي ارىزبەن كەلەتٸن ازاماتتار كٶپ. ولارمەن كەزدەستٸم دە. 50 شامالى اداممەن جٷزدەسٸپ, ورىندى سۇراقتار قويىلدى.
كەزدەسۋ كەزٸندە ولاردان: «مارقاكٶل مەن كٷرشٸمدە تۇراتىندارىڭىز با, ايتىڭدارشى?», - دەپ سۇرادىم.
سٶيتسەم, ەلگٸ 50 ادامنىڭ بٸرەۋٸ عانا سول جاقتان كەلگەن ەكەن. ٶزگەلەرٸ سوڭعى 20 جىلدان بەرٸ ٶسكەمەن مەن سەمەيدە تۇراتىن بولىپ شىقتى. سولاي بولا تۇرا بۇل مەسەلە دەر كەزٸندە كٶتەرٸلٸپ, ارنايى كوميسسييا قۇرىلدى. بٷگٸنگٸ تاڭدا 5 اۋداندا جۇمىس جٷرگٸزٸپ جاتىرمىز.
اتاپ ايتسام, ولار: ٷرجار, تارباعاتاي, زايسان, كاتونقاراي جەنە كٷرشٸم اۋداندارى.
اتالعان اۋداندارعا قاتىستى ارنايى باعدارلاما ەزٸرلەپ, قوسىمشا قارجى بٶلەمٸز», - دەدٸ شقو ەكٸمٸ بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە.
احمەتوۆ ايماقتا «جاڭا اۋدان اشىلمايتىنىن» ايتىپ ٶتتٸ.
«ونى اشقاننان نە ۇتامىز? جاڭا اۋدانعان اشساق, ول جەردە جۇمىس ورىندارىن اشىپ, حالىقتى قونىستانىرۋ ٷشٸن باس-اياعى 9 ملرد تەڭگە كەرەك ەكەن. ودان بۇرىن ەلگە جاڭا شەنەۋنٸكتەر كەرەك پە? الدىما كەلگەن ازاماتتارعا وسىلاي دەپ ايتتىم. ولار دا ماقۇلدادى. بٸزگە ارنايى باعدارلاما كەرەك. سونى ٸسكە اسىرامىز», - دەدٸ دانيال احمەتوۆ.
https://dalanews.kz/47994
