«Marqakól jáne ózge de aýdandardy qaıta qurý máselesine toqtalyp óteıin. Iá, maǵan mundaı aryzben keletin azamattar kóp. Olarmen kezdestim de. 50 shamaly adammen júzdesip, oryndy suraqtar qoıyldy.
Kezdesý kezinde olardan: «Marqakól men Kúrshimde turatyndaryńyz ba, aıtyńdarshy?», - dep suradym.
Sóıtsem, álgi 50 adamnyń bireýi ǵana sol jaqtan kelgen eken. Ózgeleri sońǵy 20 jyldan beri Óskemen men Semeıde turatyn bolyp shyqty. Solaı bola tura bul másele der kezinde kóterilip, arnaıy komısıa quryldy. Búgingi tańda 5 aýdanda jumys júrgizip jatyrmyz.
Atap aıtsam, olar: Úrjar, Tarbaǵataı, Zaısan, Katonqaraı jáne Kúrshim aýdandary.
Atalǵan aýdandarǵa qatysty arnaıy baǵdarlama ázirlep, qosymsha qarjy bólemiz», - dedi SHQO ákimi búgin Ortalyq komýnıkasıalar qyzmetinde ótken brıfıńte.
Ahmetov aımaqta «jańa aýdan ashylmaıtynyn» aıtyp ótti.
«Ony ashqannan ne utamyz? Jańa aýdanǵan ashsaq, ol jerde jumys oryndaryn ashyp, halyqty qonystanyrý úshin bas-aıaǵy 9 mlrd teńge kerek eken. Odan buryn elge jańa sheneýnikter kerek pe? Aldyma kelgen azamattarǵa osylaı dep aıttym. Olar da maquldady. Bizge arnaıy baǵdarlama kerek. Sony iske asyramyz», - dedi Danıal Ahmetov.
https://dalanews.kz/47994
