ولجاس بەكتەنوۆ باستى مٸندەت تۇرعىندارىمىزدىڭ قاۋٸپسٸزدٸگٸن قامتاماسىز ەتۋ ەكەنٸن اتاپ ٶتتٸ. پرەمەر-مينيستر جاعدايدىڭ ناشارلاۋىنا جول بەرمەۋ ٷشٸن جاسالىپ جاتقان شارالارمەن تانىستى.
ٶڭٸردە ەرٸگەن قار سۋىن ٶتكٸزۋ ماقساتىندا قوستاناي قالاسىنداعى كٸشٸ كٶپٸر اۋدانىندا جۇمىس ٸستەمەيتٸن جول تٶسەمٸ اشىلدى, ەلدٸ مەكەندەردە ارنايى بٶگەتتەر سالىنىپ, ەرٸگەن سۋلاردى باسقا جاققا بۇرۋ ٷشٸن ارىقتار دايىندالۋدا, توپىراق تولتىرىلعان قاپشىقتار مەن ينەرتتٸ ماتەريالدار تٶسەلٸپ, سۋدى سورۋ جەنە باسقا دا جۇمىستار جٷرگٸزٸلٸپ جاتىر. قاراسۋ جەنە توبىل ٶزەندەرٸندە مۇز جارۋ جۇمىستارى جٷرگٸزٸلدٸ.
جۇمىستار كٷشەيتٸلگەن رەجيمدە جٷرگٸزٸلۋدە. 2000-عا جۋىق ادام, 650-دەن استام تەحنيكا, موتوپومپالار, سونداي-اق جٷزۋ قۇرالدارى مەن ەۋە كەمەلەرٸ جۇمىلدىرىلدى.
ٶڭٸردە سۋ تاسقىنى كەزەڭٸ باستالعاننان بەرٸ بارلىعى 3257 ادام قۇتقارىلدى جەنە ەۆاكۋاتسييالاندى, ۋاقىتشا ورنالاستىرۋ پۋنكتتەرٸنە 632 ادام ورنالاستىرىلعان, قالعاندارى ٶز ەركٸمەن تۋىستارى مەن جاقىندارىنىڭ ٷيٸنە بارۋعا شەشٸم قابىلدادى. قوسىمشا ەۆاكۋاتسييالاۋ جەنە ۋاقىتشا ورنالاستىرۋ پۋنكتتەرٸ تولىق دايىندىق رەجيمٸندە.
جاعداي – تۇراقتى باقىلاۋدا.
