ەۋرازيالىق تۇراقتاندىرۋ جانە دامۋ قورىنىڭ ماكروەكونوميكالىق بولجاۋ جانە زەرتتەۋلەر ءبولىمىنىڭ باستىعى مارينا گريچيك قازاقستاندا ينفلياسيا 2026 جىلدىڭ قىس مەزگىلىنەن كەيىن باياۋلايدى دەپ بولجايدى. بۇل تۋرالى ول استانادا وتكەن باسپا ءسوز ءماسليحاتىندا ايتتى، دەپ حابارلايدى Dalanews.kz.
ساراپشى قازاقستانداعى اقشا-كرەديت ساياساتى قاتاڭ كۇيىندە ساقتالاتىنىن جانە ورتا مەرزىمدى پەرسپەكتيۆادا ينفلياسيانى نىسانالى ماندەرگە (5%) كەلتىرۋگە باعىتتالاتىنىن ايتادى.
"وسىعان بايلانىستى ءبىز بازالىق مولشەرلەمە جىل سوڭىنا دەيىن وزگەرىسسىز قالادى دەپ بولجايمىز. ۆاليۋتا باعامىنا كەلەتىن بولساق، ءبىز قازىرگى باعا جىل سوڭىنا دەيىن ساقتالادى دەپ ەسەپتەيمىز، ال 2026-2027 جىلدار شامالى السىرەيدى"، - دەدى مارينا گريچيك.
قازاقستان ەكونوميكاسى 2025 جىلدىڭ I-توقسانىندا ءجىو-نىڭ 5،6%-عا ارتۋى تۇرعىندا ناقتى ءوسىمدى كورسەتتى، دەگەنمەن توقسان سايىنعى ءوسىم 0،6%-عا دەيىن باياۋلادى. ءوسىمنىڭ نەگىزگى درايۆەرلەرى ترانسپورت، قويما، وڭدەۋ جانە تاۋ-كەن ونەركاسىبى، سونداي-اق قۇرىلىس سالاسى بولدى. بۇل رەتتە ينفلياسيالىق قىسىم وسە ءتۇسىپ، مامىر ايىندا 11،3%-عا دەيىن ەكپىن الدى. ۇلتتىق بانك بازالىق مولشەرلەمەنى ناۋرىز ايىنان باستاپ 16،5% دەڭگەيىندە وزگەرىسسىز قالدىرۋدا.
ەۋرازيالىق تۇراقتاندىرۋ جانە دامۋ قورىنىڭ بولجامى بويىنشا، 2025 جىلى قازاقستاننىڭ ءجىو-نىڭ ناقتى ءوسىمى 5%-دى قۇرايدى دەپ كۇتىلەدى، كەيىننەن 2026-2027 جىلدارى 4،5% جانە 4،3% -عا دەيىن باياۋلاۋى مۇمكىن.
"ينفلياسيا نىسانالى كورسەتكىشتەن جوعارى بولىپ قالا بەرەدى، ال تەڭگە باعامى 2027 جىلعا قاراي ۇلتتىق قوردان الىناتىن ترانسفەرتتەردىڭ قىسقارۋى ىقتيمالدىعى، سونداي-اق ساۋدا ارىپتەستەرىمەن سالىستىرعاندا اناعۇرلىم جوعارى ينفلياسيانىڭ ساقتالۋى اياسىندا 1 اقش دوللارىنىڭ قۇنى 560 تەڭگە بولۋى مۇمكىن"، - دەيدى ساراپشى.
بۇعان دەيىن ەۋرازيالىق تۇراقتاندىرۋ جانە دامۋ قورىنىڭ باس مامانى سەرگەي ۋلاتوۆ اقش ءتاريفىنىڭ قازاقستان ەكونوميكاسىنا اسەرىنە قاتىناستى پىكىر بىلدىرگەن.
