تۇركىستان وبلىسىنىڭ اكىمى نۇرالحان كوشەروۆ كەزەكتى رەت شەتەلدىك ينۆەستورلاردى قابىلدادى. قىتايدىڭ شانحاي ايماعىنان كەلگەن دەلەگاسيا وكىلدەرىنە تۇركىستان وبلىسىنىڭ وندىرىستىك جانە ينۆەستيسيالىق الەۋەتى تانىستىرىلدى.
– تاريحي تۇركىستانعا قوش كەلدىڭىزدەر. بيىل شانحاي قالاسىندا تۇركىستان وبلىسىنىڭ تۋريستىك الەۋەتىن تانىستىراتىن اقپاراتتىق كەڭسە اشۋعا قولداۋ بىلدىرگەندەرىڭىز ءۇشىن العىسىمىزدى ايتامىز.
بۇل – ءوڭىر ءتۋريزمى ءۇشىن ماڭىزدى قادام. سىزدەرمەن ءوندىرىستىڭ سان سالاسىندا ارىپتەستىك ورناتۋعا دايىنبىز. وبلىستا يندۋستريالدى ايماقتار، وندىرىستىك پاركتەر، ارنايى ەكونوميكالىق ايماق بار. اۋىل شارۋاشىلىعىنان بولەك ءوندىرىس، تۋريزم جانە وزگە دە باعىتتار بويىنشا بىرلەسە جۇمىس ىستەۋگە نيەتتىمىز، – دەدى نۇرالحان كوشەروۆ.
شانحايلىق دەلەگاسيا وكىلدەرى مەن ءىرى كاسىپكەرلەرى تۇركىستان وڭىرىنە قىزىعۋشىلىق جوعارى ەكەنىن ايتا كەلە، جوبالاردى تالقىلاۋعا دايىن ەكەندەرىن جەتكىزدى. ولار تۇركىستان وبلىسىنىڭ تۋريستىك ورىندارى تۋرالى قىتايدا اقپاراتتىق-ناسيحاتتىق جۇمىستارىن جۇرگىزبەك.
سونىمەن بىرگە ينۆەستورلار المانى تەرەڭ وڭدەپ، ەۋروپاعا ەكسپورتتاۋ، ۇن جانە ناۋبايحانا شارۋاشىلىعىن دامىتىپ، ءوز ەلدەرىنە ەكسپورتتاۋ، ءتۇستى مەتالداردى تەرەڭ وڭدەۋ، كيىم توقۋ سالاسى بويىنشا دا ءوندىرىس ورىندارىن اشىپ، بىرلەسە جۇمىس ىستەۋگە مۇمكىندىكتەرى بار ەكەندەرىن ايتتى.
قوس تاراپ اتالعان ۇسىنىستاردى زەردەلەپ، ءتيىستى كەلىسسوزدەردى جالعاستىرۋعا ۋاعدالاستى.
