Túrkistan oblysynyń ákimi Nuralhan Kósherov kezekti ret sheteldik investorlardy qabyldady. Qytaidyń Shanhai aimaǵynan kelgen delegatsiia ókilderine Túrkistan oblysynyń óndiristik jáne investitsiialyq áleýeti tanystyryldy.
– Tarihi Túrkistanǵa qosh keldińizder. Biyl Shanhai qalasynda Túrkistan oblysynyń týristik áleýetin tanystyratyn aqparattyq keńse ashýǵa qoldaý bildirgenderińiz úshin alǵysymyzdy aitamyz.
Bul – óńir týrizmi úshin mańyzdy qadam. Sizdermen óndiristiń san salasynda áriptestik ornatýǵa daiynbyz. Oblysta indýstrialdy aimaqtar, óndiristik parkter, arnaiy ekonomikalyq aimaq bar. Aýyl sharýashylyǵynan bólek óndiris, týrizm jáne ózge de baǵyttar boiynsha birlese jumys isteýge niettimiz, – dedi Nuralhan Kósherov.
Shanhailyq delegatsiia ókilderi men iri kásipkerleri Túrkistan óńirine qyzyǵýshylyq joǵary ekenin aita kele, jobalardy talqylaýǵa daiyn ekenderin jetkizdi. Olar Túrkistan oblysynyń týristik oryndary týraly Qytaida aqparattyq-nasihattyq jumystaryn júrgizbek.
Sonymen birge investorlar almany tereń óńdep, Eýropaǵa eksporttaý, un jáne naýbaihana sharýashylyǵyn damytyp, óz elderine eksporttaý, tústi metaldardy tereń óńdeý, kiim toqý salasy boiynsha da óndiris oryndaryn ashyp, birlese jumys isteýge múmkindikteri bar ekenderin aitty.
Qos tarap atalǵan usynystardy zerdelep, tiisti kelissózderdi jalǵastyrýǵa ýaǵdalasty.
