قازاقستاندا #زاكونسالتانات حەشتەگٸمەن پارلامەنتكە حات جازۋعا ٷندەيتٸن اكتسييا باستالدى, - دەپ حابارلايدى Dalanews.kz.
بەلسەندٸلەر ەربٸر ازاماتتىڭ داۋىسى, حاتى ماڭىزدى ەكەنٸن ايتتى.
"بەي-جاي قاراماڭىزدار, سٸزدەردٸڭ داۋىستارىڭىز ماڭىزدى! زورلىق-زومبىلىقتى قىلمىستىق جاۋاپكەرشٸلٸككە تارتاتىن, ەيەلدەردٸڭ قۇقىقتارى مەن بالالاردىڭ قاۋٸپسٸزدٸگٸن قامتاماسىز ەتۋ تۋرالى زاڭ جوباسى قابىلدانۋىن قولدايىق. سٸزدٸڭ حاتىڭىز زاڭنامالىق ٶزگەرٸستەردٸ قابىلداۋعا تٷرتكٸ بولۋى ەبدەن مٷمكٸن. قاۋٸپسٸز بولاشاق ٷشٸن بٷگٸننەن باستاپ ەرەكەت ەتٸڭٸز!"- دەپ مەلٸمدەدٸ "ەركٸندٸك قاناتى" قوعامدىق ٶكٸلدەرٸ.
قازٸر سەناتتا "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەيەلدەردٸڭ قۇقىقتارى مەن بالالاردىڭ قاۋٸپسٸزدٸگٸن قامتاماسىز ەتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى تالقىلانىپ جاتىر. ياعني وتباسىلىق-تۇرمىستىق جەنە قوعامدىق سالالارداعى زورلىق-زومبىلىققا قاتىستى ەرەكەتتەردٸ قىلمىستىق جاۋاپكەرشٸلٸككە تارتۋ قاراستىرىلىپ جاتىر.
"بٸزدە سەناتتا سەناتورلاردىڭ دەسترۋكتيۆتٸ توپ بەلسەندٸلەرٸمەن كۋلۋارلىق جەنە رەسمي كەزدەسۋلەرٸ ٶتٸپ جاتقانى تۋرالى اقپارات بار. ...ۇزاق جىل بويى بۇل ادامدار ەلدەگٸ جاعدايدى تۇراقسىزداندىرۋ بويىنشا جۇمىس جٷرگٸزٸپ كەلەدٸ جەنە قوعامدى دامىتۋعا, ادام قۇقىقتارىن قورعاۋعا باعىتتالعان زاڭ جوبالارىن قابىلداۋعا كەدەرگٸ كەلتٸرٸپ وتىر", - دەيدٸ قوعام بەلسەندٸلەرٸ.
بۇعان دەيٸن پرەزيدەنت قاسىم-جومارت توقاەۆ وتباسىلىق-تۇرمىستىق زورلىق-زومبىلىق ٷشٸن جازانى قاتاڭداتۋ مەسەلەسٸ بويىنشا ٶز ۇستانىمىن بٸلدٸرگەن بولاتىن.
قوعام بەلسەندٸلەرٸ 2017 جىلى زورلىق-زومبىلىققا قارسى قىلمىستىق شارا قولدانباۋ تۇرمىستىق سالاداعى قىلمىس تەز ٶسۋٸنە ەكەپ سوققانىنا نازار اۋداردى. ال 2023 جىلى سالتانات نٷكەنوۆا قاتىگەزدٸكپەن ٶلتٸرٸلدٸ, ايىپتالۋشى - ونىڭ كٷيەۋٸ قۋاندىق بيشٸمباەۆ. دەل قازٸر سوت پروتسەسٸ جٷرٸپ جاتىر, ونى بٷكٸل ەل باقىلاپ وتىر. بيشٸمباەۆتىڭ تاعدىرى القابيلەر القاسى مەن سۋديانىڭ شەشٸمٸنە بايلانىستى بولىپ وتىر.
ايتا كەتەيٸك, 27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
كەشەگٸ سوت وتىرىسىندا بيشٸمباەۆ سالتاناتتى شاشىنان سٷيرەپ, تەپكٸلەگەن سۇمدىق كادرلار كٶرسەتٸلدٸ.
