ماڭعىستاۋ وبلىسى اقتاۋ قالاسىنداعى 9,2 شاقىرىم ماگيسترالدىق جىلۋ جەلٸلەرٸن رەكونسترۋكتسييالاۋ جۇمىستارىن اياقتاۋعا ٷكٸمەت رەزەرۆٸنەن شامامەن 3,6 ملرد تەڭگە بٶلٸندٸ. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى, دەپ حابارلايدى Dalanews.kz.
جالپى قۇنى 13,8 ملرد تەڭگە بولاتىن بۇل جوبانى ٸسكە اسىرۋ 2024 جىلى باستالدى.
بٷگٸندە جوبا اياسىندا ەكٸ قۇبىرلى جٷيەمەن 5,5 شاقىرىم جىلۋ جەلٸسٸ تارتىلدى. ەسكٸ بولات قۇبىرلار بٶلشەكتەلٸپ, ولاردىڭ ورنىنا 530 مم-دەن 1020 مم-گە دەيٸنگٸ ديامەترلٸ كٶبٸكتٸ پوليۋرەتان وقشاۋلاعىشپەن جابدىقتالعان زاماناۋي قۇبىرلار ورناتىلىپ جاتىر. سونداي-اق 2024-2025 جىلعى جىلىتۋ ماۋسىمىندا انىقتالعان 375 اقاۋ تولىعىمەن جٶندەلدٸ.
اقتاۋ قالاسىنىڭ جىلۋ جەلٸلەرٸنٸڭ جالپى ۇزىندىعى - 562 شاقىرىم. توزۋ دەڭگەيٸ – 79%. اتالعان جوبا ٸسكە اسىرىلعاننان كەيٸن جەلٸلەردٸڭ توزۋ دەڭگەيٸ 75%-عا دەيٸن قىسقارادى. بۇل تۇرعىنداردى جىلىتۋ ماۋسىمىندا ٷزدٸكسٸز جىلۋمەن قامتاماسىز ەتۋگە, ىستىق سۋ جەتكٸزۋ ٶتكٸزۋ قابٸلەتٸن ارتتىرۋعا جەنە پايدالانۋ شىعىندارىن ازايتۋعا مٷمكٸندٸك بەرەدٸ.
الداعى ۋاقىتتا «ەنەرگەتيكا جەنە كوممۋنالدىق سەكتوردى جاڭعىرتۋ» ۇلتتىق جوباسىن جٷزەگە اسىرۋ اياسىندا 2025-2029 جىلدارعا ارنالعان قارجىلاندىرۋ كٶلەمٸن ايقىنداي وتىرىپ, 2029 جىلعا دەيٸن 175 شاقىرىم جىلۋ جەلٸلەرٸ مەن جىلۋمەن جابدىقتاۋ كٶزدەرٸن رەكونسترۋكتسييالاۋ جەنە سالۋ جوسپارلانىپ وتىر. جوبا جەلٸلەردٸڭ توزۋىن ازايتۋعا جەنە ينۆەستيتسييا تارتۋ ارقىلى كوممۋنالدىق قىزمەتتەردٸڭ ساپاسىن ارتتىرۋعا باعىتتالعان.
