Mańǵystaý oblysy Aqtaý qalasyndaǵy 9,2 shaqyrym magistraldyq jylý jelilerin rekonstrýktsiialaý jumystaryn aiaqtaýǵa Úkimet rezervinen shamamen 3,6 mlrd teńge bólindi. Premer-ministr Oljas Bektenov tiisti qaýlyǵa qol qoidy, dep habarlaidy Dalanews.kz.
Jalpy quny 13,8 mlrd teńge bolatyn bul jobany iske asyrý 2024 jyly bastaldy.
Búginde joba aiasynda eki qubyrly júiemen 5,5 shaqyrym jylý jelisi tartyldy. Eski bolat qubyrlar bólshektelip, olardyń ornyna 530 mm-den 1020 mm-ge deiingi diametrli kóbikti poliýretan oqshaýlaǵyshpen jabdyqtalǵan zamanaýi qubyrlar ornatylyp jatyr. Sondai-aq 2024-2025 jylǵy jylytý maýsymynda anyqtalǵan 375 aqaý tolyǵymen jóndeldi.
Aqtaý qalasynyń jylý jelileriniń jalpy uzyndyǵy - 562 shaqyrym. Tozý deńgeii – 79%. Atalǵan joba iske asyrylǵannan keiin jelilerdiń tozý deńgeii 75%-ǵa deiin qysqarady. Bul turǵyndardy jylytý maýsymynda úzdiksiz jylýmen qamtamasyz etýge, ystyq sý jetkizý ótkizý qabiletin arttyrýǵa jáne paidalaný shyǵyndaryn azaitýǵa múmkindik beredi.
Aldaǵy ýaqytta «Energetika jáne kommýnaldyq sektordy jańǵyrtý» ulttyq jobasyn júzege asyrý aiasynda 2025-2029 jyldarǵa arnalǵan qarjylandyrý kólemin aiqyndai otyryp, 2029 jylǵa deiin 175 shaqyrym jylý jelileri men jylýmen jabdyqtaý kózderin rekonstrýktsiialaý jáne salý josparlanyp otyr. Joba jelilerdiń tozýyn azaitýǵa jáne investitsiia tartý arqyly kommýnaldyq qyzmetterdiń sapasyn arttyrýǵa baǵyttalǵan.
