ۇلىتاۋ وبلىسىندا ٶتكەن «Ulytau Invest–2026» قازاقستان–قىتاي ينۆەستيتسييالىق فورۋمى اياسىندا جالپى قۇنى 368,6 ميلليون اقش دوللارىن قۇرايتىن ينۆەستيتسييالىق مەموراندۋمدارعا قول قويىلدى, دەپ حابارلايدى dalanews.kz.
قۇجاتتار تۇرعىن ٷي قورىن جەنە قالالىق ينفراقۇرىلىمدى جاڭعىرتۋعا, ٶنەركەسٸپتٸ دامىتۋعا, شاحتالارداعى ٶندٸرٸستٸك قاۋٸپسٸزدٸكتٸ كٷشەيتۋگە, تٶمەن كٶمٸرتەكتٸ يندۋسترييالىق كلاستەر قالىپتاستىرۋعا جەنە ٶڭٸردە جەل ەلەكتر ستانتسييالارىن سالۋعا باعىتتالعان بٸرقاتار ينۆەستيتسييالىق جوبالاردى ٸسكە اسىرۋدى كٶزدەيدٸ.
فورۋم قازاقستان مەن قىتايدىڭ مەملەكەتتٸك ورگاندارى, بيزنەس جەنە ينۆەستيتسييالىق قاۋىمداستىقتارىنىڭ ٶكٸلدەرٸن بٸر الاڭعا جينادى. اۋقىمدى ٸس-شاراعا قىتايدىڭ 20-دان استام ٸرٸ كومپانيياسىنىڭ دەلەگاتسييالارى قاتىستى.
ٸس-شاراعا دەيٸن ۇلىتاۋ وبلىسىنىڭ ەكٸمٸ داستان رىسپەكوۆ شەنسي پروۆينتسيياسىنان كەلگەن دەلەگاتسييا باسشىسى ۆان تسزينتسزينمەن ەكٸجاقتى كەزدەسۋ ٶتكٸزٸپ, ساۋدا-ەكونوميكالىق ىنتىماقتاستىقتى كەڭەيتۋ جەنە جاڭا ينۆەستيتسييالىق جوبالاردى جٷزەگە اسىرۋ مەسەلەلەرٸن تالقىلادى.
«Ulytau Invest–2026» فورۋمى بارىسىندا وبلىستىڭ تاۋ-كەن مەتاللۋرگيياسى, ٶڭدەۋ ٶنەركەسٸبٸ, اگروٶنەركەسٸپ, ەنەرگەتيكا, لوگيستيكا جەنە ينفراقۇرىلىم سالالارىنداعى ينۆەستيتسييالىق مٷمكٸندٸكتەرٸ تانىستىرىلدى. سونداي-اق قازاقستان مەن قىتاي كەسٸپكەرلەرٸ اراسىندا B2B جەنە G2B فورماتىنداعى كەزدەسۋلەر ۇيىمداستىرىلىپ, جاڭا جوبالاردى بٸرلەسٸپ ٸسكە اسىرۋ جەنە ەرٸپتەستٸكتٸ كەڭەيتۋ باعىتتارى قاراستىرىلدى.
ٸس-شارادا سٶز سٶيلەگەن ۇلىتاۋ وبلىسىنىڭ ەكٸمٸ داستان رىسپەكوۆ حالىقارالىق ىنتىماقتاستىق پەن ينۆەستيتسييا تارتۋ ٶڭٸر دامۋىنىڭ نەگٸزگٸ باسىمدىقتارىنىڭ بٸرٸ ەكەنٸن اتاپ ٶتتٸ. ونىڭ ايتۋىنشا, فورۋم بۇعان دەيٸن وبلىس دەلەگاتسيياسىنىڭ قىتايدىڭ سيان قالاسىنا جۇمىس ساپارى بارىسىندا قول جەتكٸزٸلگەن كەلٸسٸمدەردٸڭ ناقتى جالعاسى بولدى.
فورۋمنىڭ رەسمي بٶلٸگٸنەن كەيٸن قىتاي دەلەگاتسيياسىنىڭ ٶكٸلدەرٸ ٶڭٸردەگٸ ينۆەستيتسييالىق الاڭدار مەن ٶندٸرٸستٸك كەسٸپورىنداردى ارالاپ, ٸسكە اسىرىلىپ جاتقان جەنە بولاشاق ينۆەستيتسييالىق جوبالارمەن تانىستى.
