قازاقستاندا كەلەسٸ جىلدان باستاپ ەلەكتر قۋاتى ٷشٸن تٶلەنەتٸن اقى ٶسۋٸ ىقتيمال. بۇل تۋرالى "اقمولا ٶڭٸرلٸك ەلەكتر جەلٸلٸك كومپانيياسىنىڭ" (ارەك) ەلەكتر ەنەرگيياسى تاريفٸن كٶتەرۋ تۋرالى ٶتٸنٸشٸندە ايتىلعان, دەپ حابارلايدى dalanews.kz.
قۇجاتقا سەيكەس ەلەكتر قۋاتىنىڭ جٷكتەمەنٸ قامتاماسىز ەتۋ قىزمەتٸنٸڭ تاريفٸ 2026 جىلى ايىنا 1 مۆت ٷشٸن ققس-سىز 1 560 850 تەڭگە بولعان. ال 2027 جىلى بۇل كٶرسەتكٸشتٸ 2,3 ملن تەڭگەگە دەيٸن كٶتەرۋ جوسپارلانىپ وتىر.
ۇسىنىلعان ٶزگەرٸس قابىلدانسا, ەلەكتر قۋاتى ٷشٸن تٶلەم شامامەن 47 پايىزعا ٶسەدٸ.
ەلەكتر ەنەرگيياسىنىڭ تٷپكٸلٸكتٸ تاريفٸنە ەلەكتر قۋاتى ٷشٸن تٶلەم دە كٸرەدٸ. ول جاڭا ەلەكتر ستانتسييالارىن سالۋ, جاڭعىرتۋ جەنە قايتا جاڭارتۋ جوبالارىن قارجىلاندىرۋعا باعىتتالعان ارنايى نارىق ارقىلى قالىپتاسادى. بۇل جٷيە 2019 جىلدان بەرٸ جۇمىس ٸستەيدٸ جەنە ەنەرگەتيكا سالاسىنا ينۆەستيتسييا تارتۋعا ارنالعان.
ساراپشىلاردىڭ بولجامىنشا, تٶلەمنٸڭ ٶسۋٸنە تٷركٸستانداعى بۋ-گاز قوندىرعىسى ٸسكە قوسىلۋى جەنە الماتىداعى جەو-2 مەن جەو-3-تٸڭ گازعا كٶشۋ جوبالارى ەسەر ەتۋٸ مٷمكٸن. بۇل نىساندار پايدالانۋعا بەرٸلسە, ولار ينۆەستيتسييا شىعىنىن ٶتەۋ ٷشٸن ەلەكتر قۋاتى نارىعىنان تٶلەم الا باستايدى.
سونىمەن قاتار, ەنەرگەتيكا مينيسترلٸگٸ ەلەكتر ستانتسييالارىنىڭ تاريفٸن شٸلدەدەن باستاپ كٶتەرۋ تۋرالى جوسپاردى كەيٸنگە قالدىردى. بۇل شەشٸم قابىلدانعاندا, ەلەكتر ەنەرگيياسىنىڭ كٶتەرمە باعاسى بٸر كيلوۆاتت-ساعات ٷشٸن ققس-سىز 32,92 تەڭگەدەن 42,89 تەڭگەگە دەيٸن ٶسەر ەدٸ.
مامانداردىڭ ايتۋىنشا, كٶتەرمە باعا ٶسۋٸ ەلەكتر جەلٸلەرٸندەگٸ شىعىندى دا ارتتىرادى. سونىڭ سالدارىنان ەلەكتر ەنەرگيياسىن تاسىمالداۋ تاريفٸ ٶسٸپ, بۇل ٶزگەرٸس تٷپكٸلٸكتٸ تۇتىنۋشى تٶلەيتٸن باعاعا دا ەسەر ەتۋٸ مٷمكٸن.
