پرەزيدەنت قاسىم-جومارت توقاەۆ سوڭعى ٷش جىلدا قازاقستاندا 300-دەن استام ماڭىزدى زاڭ قابىلدانعانىن مەلٸمدەدٸ, دەپ حابارلايدى dalanews.kz.
مەملەكەت باسشىسى پارلامەنت پالاتالارىنىڭ بٸرلەسكەن وتىرىسىندا قازٸرگٸ دەپۋتاتتىق كورپۋس ەل تاريحىنداعى اۋقىمدى رەفورمالاردىڭ باستاۋىندا تۇرعانىن اتاپ ٶتتٸ.
«تەك سوڭعى ٷش جىلدىڭ ٶزٸندە 300-دەن استام اسا ماڭىزدى زاڭ قابىلداندى. ولاردىڭ قاتارىندا تاريحي ماڭىزى بار كونستيتۋتسييالىق زاڭدار مەن كودەكستەر بار. بۇل قۇجاتتار ەلٸمٸزدٸڭ ودان ەرٸ دامۋىنا بەرٸك قۇقىقتىق نەگٸز قالادى», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, قازٸرگٸ شاقىرىلىم دەپۋتاتتارى ەل دامۋىنىڭ ەڭ كٷردەلٸ ەرٸ شەشۋشٸ كەزەڭدەرٸنٸڭ بٸرٸندە قىزمەت اتقاردى.
«قازٸرگٸ دەپۋتاتتىق كورپۋس ەلٸمٸزدٸڭ دامۋىنداعى ەڭ كٷردەلٸ ەرٸ شەشۋشٸ كەزەڭدە جۇمىس ٸستەدٸ. سٸزدەر اۋقىمدى ٶزگەرٸستەردٸڭ باستاۋىندا تۇردىڭىزدار. قازاقستان ەكونوميكانى عانا ەمەس, قوعامدىق قۇندىلىقتار جٷيەسٸن دە قامتىعان جان-جاقتى جاڭعىرۋ جولىنا تٷستٸ. وسىنداي اۋقىمدى رەفورمالاردى جٷزەگە اسىرۋ پارلامەنت ٷشٸن ٷلكەن مەرتەبە عانا ەمەس, زور جاۋاپكەرشٸلٸك بولدى», – دەدٸ مەملەكەت باسشىسى.
