Prezident Qasym-Jomart Toqaev sońǵy úsh jylda Qazaqstanda 300-den astam mańyzdy zań qabyldanǵanyn málimdedi, dep habarlaidy dalanews.kz.
Memleket basshysy Parlament palatalarynyń birlesken otyrysynda qazirgi depýtattyq korpýs el tarihyndaǵy aýqymdy reformalardyń bastaýynda turǵanyn atap ótti.
«Tek sońǵy úsh jyldyń ózinde 300-den astam asa mańyzdy zań qabyldandy. Olardyń qatarynda tarihi mańyzy bar konstitýtsiialyq zańdar men kodekster bar. Bul qujattar elimizdiń odan ári damýyna berik quqyqtyq negiz qalady», – dedi Qasym-Jomart Toqaev.
Prezidenttiń aitýynsha, qazirgi shaqyrylym depýtattary el damýynyń eń kúrdeli ári sheshýshi kezeńderiniń birinde qyzmet atqardy.
«Qazirgi depýtattyq korpýs elimizdiń damýyndaǵy eń kúrdeli ári sheshýshi kezeńde jumys istedi. Sizder aýqymdy ózgeristerdiń bastaýynda turdyńyzdar. Qazaqstan ekonomikany ǵana emes, qoǵamdyq qundylyqtar júiesin de qamtyǵan jan-jaqty jańǵyrý jolyna tústi. Osyndai aýqymdy reformalardy júzege asyrý Parlament úshin úlken mártebe ǵana emes, zor jaýapkershilik boldy», – dedi Memleket basshysy.
