بيشىمبايەۆ نۇكەنوۆانىڭ ءولىمى تۋرالى: "قابىرعاعا سوعىلىپ، ۋنيتازعا قۇلادى"

كوركەم الدابەرگەنوۆا 03 ءساۋ. 2024 12:35 14982

ەكس-مينيستر قۋاندىق بيشىمبايەۆ سالتانات نۇكەنوۆا قالاي جاراقات الىپ قايتىس بولعانىن ايتىپ بەردى، - دەپ حابارلايدى Dalanews.kz

ايتا كەتەيىك، بۇگىن بيشىمبايەۆ ىسىنە قاتىستى سوت وتىرىسى ءوتىپ جاتىر.

«ول ماعان بالاعات سوزدەر ايتا باستادى. مەن دە ونى بالاعاتتاي باستادىم. سوسىن ماعان جۇدىرىق الا جۇگىرىپ، مەنىڭ جەيدەمدى جىرتىپ جىبەردى. مەن ونى ۇستاپ، قابىرعاعا يتەرىپ جىبەردىم. "سابىر ساقتا" دەدىم. ول ماعان تاعى كەلە جاتقاندا مەن دە ونىڭ جەيدەسىن جىرتىپ تاستادى. ول اشۋلاندى. جەيدەسىن شەشىپ تاستادى. ونىڭ ۇستىندەگى كيىمنىڭ ءبارى 8-ىندە ءتۇس كەزىندە كونسەرتكە بارار الدىندا ساتىپ الىنعان ەدى. ماعان لاقتىرا باستادى. مەن ونى شاپالاقپەن ۇرىپ جىبەردىم، ول كەيىن شەگىندى. ءبارى تەز بولىپ كەتتى. ول "شالبارىمدى شەشەمىن" دەدى. مەن ونى ۇستاپ الدىم. ول ماعان ارقاسىمەن، بەتىمەن ۋنيتاز جاققا قاراپ تۇرىپ قالدى، سەبەبى مەن ونىڭ شالبارىنان ۇستاپ قالدىم. ول شالبارىن جۇلقىلاپ، شەشە باستاعان كەزدە جىبەرە سالدىم. ول مەن شالبارىن ۇستاپ تۇرادى دەپ ويلاعان بولۋى كەرەك، تارتىپ قالعان كەزدە جىبەرە سالدىم"، - دەدى ول.

بيشىمبايەۆ سالتاناتتىڭ شالبارىن ۇستاپ تۇرىپ جىبەرە سالعان ساتتە سالتانات تەپە-تەڭدىك ساقتاي الماي، قۇلاپ ءتۇسىپتى-مىس.

«شالبارى تومەن ءتۇسىپ كەتكەننەن كەيىن تەپە-تەڭدىك ساقتاي الماي، ۋنيتاز جاققا قۇلادى. باسىندا وڭ جاقتا قابىرعاعا سوعىلىپ، ارتىنشا ۋنيتازعا قۇلادى. قاتتى سوققى الىپ، ارتىنشا جەرگە قۇلادى»، - دەيدى بيشىمبايەۆ. 

ايتا كەتەيىك،بيشىمبايەۆ سوتتا سالتانات قالاي قايتىس بولعانىن ايتا باستادى.

27 ناۋرىزدا ەكس-مينيستر قۋاندىق بيشىمبايەۆتىڭ ءىسى بويىنشا القابيلەر تاڭدالعان ەدى. القابيلەر القاسىنا 12 ادام ىرىكتەلدى: 10 – نەگىزگى قۇرام، 2 – قوسالقى. سودان كەيىن اشىق سوت وتىرىستارى باستالدى.

سونىمەن قاتار، قۋاندىق بيشىمبايەۆ سوتتا سالتانات نۇكەنوۆانى اسا قاتىگەزدىكپەن ولتىرگەنىن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.

سوت وتىرىستارىنىڭ بىرىندە قۋاندىق بيشىمبايەۆ سالتانات نۇكەنوۆامەن قالاي تانىسقانىن دا ايتتى.

"مەن ونى Instagram-نان كوردىم. وعان استرولوگيالىق بولجامعا بارعان قىز استرولوگتار تۋرالى ايتتى. ماعان استرولوگيا قىزىق بولدى. ودان كورسەتۋىن سۇرادىم. تانىسىم Instagram-نان تانىمال استرولوگ دەپ كورسەتتى. ادەمى قىز ەكەنىن كوردىم، Instgram-ىن قاراپ شىقتىم. ونىڭ جىگىتى بار ەكەنىن دە كوردىم. 2022 جىلى مامىردىڭ اياعى ەدى. تانىسىم جىگىتى بار ەكەنىن، ۇيلەنگەلى جاتقانىن ايتتى. ...ءبىراز ۋاقىت سىرتتاي عانا باقىلادىم. ءبىر جولى ونىڭ قابىلداۋىنا جازىلعىم كەلدى. ءبىراق كومەكشىسى ونلاين تۇردە دە، تىرىلەي دە ەر ادامداردى قابىلدامايتىنىن ايتتى.

تامىزدىڭ اياعىندا سول قىز (تانىسى - ەسك.) توي بولمايتىنىن، (سالتانات - ەسك.) تۇرمىسقا شىققالى جاتقان جىگىتىمەن ايرىلىسقانىن جەتكىزدى. تانىسۋعا مۇمكىندىك بار ەكەنىن ءتۇسىندىم. كاميلا دەگەن قىزدان استرولوگيالىق بولجامعا جازىلۋىن ءوتىندىم. ال اڭگىمە بارىسىندا "دوسىم بار، ونىڭ دا كەلگىسى كەلەدى" دەپ ايتۋىن ءوتىندىم. ماعان تانىسۋ، ءبىر جاعىنان استرولوگيا تۋرالى ءبىلۋ قىزىق بولدى. كاميلا سالتاناتتىڭ قابىلداۋىنا بارعان. ولار دوستاسىپ كەتكەن. بىر-بىرىنە قىزدارعا قاتىستى وقيعالارىن ايتا باستاعان. سالتانات جىگىتىمەن ايرىلىسقانىن دا ايتقان. مەنىڭ دوس قىزىم "وسىنداي ادام بار، سەنى Instagram-دا كورگەن، تانىسقىسى كەلەدى" دەگەن. كاميلامەن تەلەفونمەن سويلەسىپ جاتقاندا، "ءوزىڭ سويلەسىپ كورگىڭ كەلە مە، جانىمدا وتىر" دەدى. مەن تەلەفون ارقىلى تانىسىپ، امانداستىم. سالتانات "ءسىز كەلگەن كەزدە استرولوگيالىق بولجام وتكىزە الامىن" دەدى. كەيىن قازاقستانعا كەلدىم.

سالتانات ۇزاق ۋاقىت استرولوگيالىق بولجامدى وتكىزگىسى كەلمەدى. سودان سوڭ وعان اشىعىن جازدىم. "شىنىن ايتسام، بولجام قىزىق ەمەس، ءسىز ماعان قاتتى ۇناپ قالدىڭىز، تانىسىپ كورگىم كەلەدى، كەشكى اسقا شاقىرسام" دەدىم. ول 1-2 كۇن جاۋاپ بەرمەدى. ءۇشىنشى كۇنى "كەزدەسە الامىز" دەدى. 6 قىركۇيەك بولۋى كەرەك، ءبىز كەزدەستىك"، - دەدى بيشىمبايەۆ.


ۇسىنىلعان
سوڭعى جاڭالىقتار
x