Eks-ministr Qýandyq Bishimbaev Saltanat Núkenova qalai jaraqat alyp qaitys bolǵanyn aityp berdi, - dep habarlaidy Dalanews.kz.
Aita keteiik, búgin Bishimbaev isine qatysty sot otyrysy ótip jatyr.
«Ol maǵan balaǵat sózder aita bastady. Men de ony balaǵattai bastadym. Sosyn maǵan judyryq ala júgirip, meniń jeidemdi jyrtyp jiberdi. Men ony ustap, qabyrǵaǵa iterip jiberdim. "Sabyr saqta" dedim. Ol maǵan taǵy kele jatqanda men de onyń jeidesin jyrtyp tastady. Ol ashýlandy. Jeidesin sheship tastady. Onyń ústindegi kiimniń bári 8-inde tús kezinde kontsertke barar aldynda satyp alynǵan edi. Maǵan laqtyra bastady. Men ony shapalaqpen uryp jiberdim, ol keiin shegindi. Bári tez bolyp ketti. Ol "shalbarymdy sheshemin" dedi. Men ony ustap aldym. Ol maǵan arqasymen, betimen ýnitaz jaqqa qarap turyp qaldy, sebebi men onyń shalbarynan ustap qaldym. Ol shalbaryn julqylap, sheshe bastaǵan kezde jibere saldym. Ol men shalbaryn ustap turady dep oilaǵan bolýy kerek, tartyp qalǵan kezde jibere saldym", - dedi ol.
Bishimbaev Saltanattyń shalbaryn ustap turyp jibere salǵan sátte Saltanat tepe-teńdik saqtai almai, qulap túsipti-mys.
«Shalbary tómen túsip ketkennen keiin tepe-teńdik saqtai almai, ýnitaz jaqqa qulady. Basynda oń jaqta qabyrǵaǵa soǵylyp, artynsha ýnitazǵa qulady. Qatty soqqy alyp, artynsha jerge qulady», - deidi Bishimbaev.
Aita keteiik,Bishimbaev sotta Saltanat qalai qaitys bolǵanyn aita bastady.
27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynyń birinde Qýandyq Bishimbaev Saltanat Núkenovamen qalai tanysqanyn da aitty.
"Men ony Instagram-nan kórdim. Oǵan astrologiialyq boljamǵa barǵan qyz astrologtar týraly aitty. Maǵan astrologiia qyzyq boldy. Odan kórsetýin suradym. Tanysym Instagram-nan tanymal astrolog dep kórsetti. Ádemi qyz ekenin kórdim, Instgram-yn qarap shyqtym. Onyń jigiti bar ekenin de kórdim. 2022 jyly mamyrdyń aiaǵy edi. Tanysym jigiti bar ekenin, úilengeli jatqanyn aitty. ...Biraz ýaqyt syrttai ǵana baqyladym. Bir joly onyń qabyldaýyna jazylǵym keldi. Biraq kómekshisi onlain túrde de, tirilei de er adamdardy qabyldamaitynyn aitty.
Tamyzdyń aiaǵynda sol qyz (tanysy - esk.) toi bolmaitynyn, (Saltanat - esk.) turmysqa shyqqaly jatqan jigitimen airylysqanyn jetkizdi. Tanysýǵa múmkindik bar ekenin túsindim. Kamila degen qyzdan astrologiialyq boljamǵa jazylýyn ótindim. Al áńgime barysynda "dosym bar, onyń da kelgisi keledi" dep aitýyn ótindim. Maǵan tanysý, bir jaǵynan astrologiia týraly bilý qyzyq boldy. Kamila Saltanattyń qabyldaýyna barǵan. Olar dostasyp ketken. Bir-birine qyzdarǵa qatysty oqiǵalaryn aita bastaǵan. Saltanat jigitimen airylysqanyn da aitqan. Meniń dos qyzym "osyndai adam bar, seni Instagram-da kórgen, tanysqysy keledi" degen. Kamilamen telefonmen sóilesip jatqanda, "óziń sóilesip kórgiń kele me, janymda otyr" dedi. Men telefon arqyly tanysyp, amandastym. Saltanat "siz kelgen kezde astrologiialyq boljam ótkize alamyn" dedi. Keiin Qazaqstanǵa keldim.
Saltanat uzaq ýaqyt astrologiialyq boljamdy ótkizgisi kelmedi. Sodan soń oǵan ashyǵyn jazdym. "Shynyn aitsam, boljam qyzyq emes, siz maǵan qatty unap qaldyńyz, tanysyp kórgim keledi, keshki asqa shaqyrsam" dedim. Ol 1-2 kún jaýap bermedi. Úshinshi kúni "kezdese alamyz" dedi. 6 qyrkúiek bolýy kerek, biz kezdestik", - dedi Bishimbaev.
