الەۋمەتتىك جەلىدە "باعاناشىل" بالالار ءۇيىنىڭ تاربيەلەنۋشىلەرى تاعى ءبىر ۇندەۋ جاسادى،، دەپ حابارلايدى Dalanews.kz.
ولار وزدەرىن بولمەۋدى سۇراپ، بيلىكتەن ۋادەسىندە تۇرۋىن ءوتىندى. اكىمدىك بۇل جاعدايعا پىكىر ءبىلدىردى.
الماتى اكىمدىگى مالىمەتىنشە، "باعاناشىل" بالالار ءۇيىنىڭ تاربيەلەنۋشىلەرى ءوز ورتالىعى اۋماعىندا تۇرىپ، الماتى قالاسىندا ءبىلىم الۋىن جالعاستىرادى.
"ءقازىر الماتى قالاسى مەن الماتى وبلىسىنىڭ اكىمدىكتەرى نىساندى قالا قاراماعىنا بەرۋ جۇمىستارىن جۇرگىزىپ جاتىر. تاربيەلەنۋشىلەرگە زاماناۋي ءارى ءقاۋىپسىز جاعداي جاساۋ ماقساتىندا بالالار ءۇيىنىڭ عيماراتىنا كەشەندى قايتا جاڭعىرتۋ جۇمىستارى جوسپارلانىپ وتىر. بۇل جۇمىستار ءتيىستى راسىمدەردەن وتكەننەن كەيىن، ياعني كەلەسى جىلى باستالادى"، - دەدى اكىمدىك وكىلدەرى.
اكىمدىك وكىلدەرى بالالار بىرىنەن ءبىرى بولىنبەيتىنىن مالىمدەدى.
"تاربيەلەنۋشىلەر الماتى قالاسىنداعى ءقازىر وزدەرى وقىپ جۇرگەن مەكتەپتە ءبىلىم الۋىن جالعاستىرادى. بالالاردى قونايەۆ قالاسىنا كوشىرۋ ماسەلەسى قاراستىرىلىپ جاتقان جوق. بالالاردىڭ وقۋى مەن تۇرمىس جايى ءاردايىم ءجىتى باقىلاۋدا"، - دەپ جازىلعان حابارلامادا.
ايتا كەتەيىك، بۇعان دەيىن پرەزيدەنت قاسىم-جومارت توقايەۆ الماتىداعى بالالار ءۇيى تاربيەلەنۋشىلەرىن كوشىرۋ تۋرالى شەشىمدى توقتاتۋدى تاپسىردى.
