بەلگٸلٸ قۇقىق قورعاۋشى باقىتجان تٶرەعوجينا بەلسەندٸ مارات جىلانباەۆتىڭ دەنساۋلىعى جايلى جالعان اقپارات تاراتتى دەپ ايىپتالدى. سوت شەشٸمٸمەن وعان 78 مىڭ تەڭگە كٶلەمٸندە ايىپپۇل سالىندى, دەپ حابارلايدى Dalanews.kz.
ٸستٸڭ باستالۋىنا قۇقىق قورعاۋشىنىڭ ەلەۋمەتتٸك جەلٸدەگٸ جازباسى تٷرتكٸ بولعان. تٶرەعوجينا ٶز جازباسىندا مارات جىلانباەۆتىڭ دەنساۋلىعى ناشارلاعانىن حابارلاعان ەدٸ.
قورعاۋشى تاراپ سوتتا ٸستٸڭ قۇجاتتارى – ينسپەكتوردىڭ حاتتاماسى مەن راپورتى قىسىم ارقىلى جاسالعان دەپ ساناپ, دەلەل رەتٸندە ٸسكە تٸركەمەۋدٸ سۇرادى. الايدا سوت بۇل ٶتٸنٸشتٸ قابىلدامادى.
حاتتامانى تولتىرعان ۋچاسكەلٸك ينسپەكتور تٶرەعوجينانىڭ جازباسى «جازالاردى ورىنداۋ جٷيەسٸنە دەگەن كٶزقاراسقا تەرٸس ەسەر ەتەدٸ» ەرٸ «ناقتى دەلەلدەرمەن راستالماعان» دەپ مەلٸمدەدٸ. ونىڭ ايتۋىنشا, جىلانباەۆتىڭ دەنساۋلىعى قالىپتى: بەلسەندٸ كٸتاپ وقىپ, سپورتپەن اينالىسىپ جٷر.
تٶرەعوجينانىڭ ادۆوكاتتارى سوتقا جىلانباەۆتىڭ ٶزٸن شاقىرۋدى تالاپ ەتكەنٸمەن, سۋديا بۇل ٶتٸنٸشتٸ دە قابىلدامادى. قۇقىق قورعاۋشىنىڭ ايتۋىنشا, بەلسەندٸ اباقتىداعى جاعدايعا نارازىلىق رەتٸندە قايتادان اشتىق جارييالاعان. ونىڭ سالماعى قاۋٸپتٸ دەڭگەيگە دەيٸن تٶمەندەگەن كٶرٸنەدٸ.
