Belgili quqyq qorǵaýshy Baqytjan Tóreǵojina belsendi Marat Jylanbaevtyń densaýlyǵy jaily jalǵan aqparat taratty dep aiyptaldy. Sot sheshimimen oǵan 78 myń teńge kóleminde aiyppul salyndy, dep habarlaidy Dalanews.kz.
Istiń bastalýyna quqyq qorǵaýshynyń áleýmettik jelidegi jazbasy túrtki bolǵan. Tóreǵojina óz jazbasynda Marat Jylanbaevtyń densaýlyǵy nasharlaǵanyn habarlaǵan edi.
Qorǵaýshy tarap sotta istiń qujattary – inspektordyń hattamasy men raporty qysym arqyly jasalǵan dep sanap, dálel retinde iske tirkemeýdi surady. Alaida sot bul ótinishti qabyldamady.
Hattamany toltyrǵan ýchaskelik inspektor Tóreǵojinanyń jazbasy «jazalardy oryndaý júiesine degen kózqarasqa teris áser etedi» ári «naqty dáleldermen rastalmaǵan» dep málimdedi. Onyń aitýynsha, Jylanbaevtyń densaýlyǵy qalypty: belsendi kitap oqyp, sportpen ainalysyp júr.
Tóreǵojinanyń advokattary sotqa Jylanbaevtyń ózin shaqyrýdy talap etkenimen, sýdia bul ótinishti de qabyldamady. Quqyq qorǵaýshynyń aitýynsha, belsendi abaqtydaǵy jaǵdaiǵa narazylyq retinde qaitadan ashtyq jariialaǵan. Onyń salmaǵy qaýipti deńgeige deiin tómendegen kórinedi.
