استانا قالاسىنىڭ التى ستاتسيونارىندا مەديتسينا جۇمىسكەرلەرٸنٸڭ قاۋٸپسٸزدٸگٸن قامتاماسىز ەتۋ ٷشٸن تەۋلٸك بويى قىزمەت كٶرسەتەتٸن كٷزەت بەكەتتەرٸ ۇيىمداستىرىلدى. اتالعان شارا پاتسيەنتتەرمەن بٸرگە كەلەتٸن ادامداردىڭ مەديتسينالىق پەرسونالعا شابۋىل جاساۋ جاعدايلارىنىڭ جيٸلەۋٸنە بايلانىستى قابىلداندى,- دەپ حابارلايدى Dalanews.kz
قوعامدىق دەنساۋلىق ساقتاۋ باسقارماسىنىڭ حابارلاۋىنشا, كٷزەتتٸ ٸٸم جٷيەسٸنە كٸرەتٸن پوليتسييا دەپارتامەنتٸ جانىنداعى مامانداندىرىلعان كٷزەت قىزمەتٸنٸڭ ماماندارى قامتاماسىز ەتەدٸ.
«مەديتسينا جۇمىسكەرلەرٸن قۇقىقتىق تۇرعىدان قورعاۋدى كٷشەيتۋ جەنە قاۋٸپسٸز ەڭبەك جاعدايلارىن جاساۋ ماقساتىندا پوليتسييا دەپارتامەنتٸمەن بٸرلەسٸپ تەۋلٸك بويى كٷزەت بەكەتتەرٸ ۇيىمداستىرىلدى. پوليتسييا قىزمەتكەرلەرٸ وقىس وقيعالار جيٸ بولاتىن قابىلداۋ بٶلمەلەرٸندە كەزەكشٸلٸك قىزمەتٸن اتقاراتىن بولادى.
ازاماتتاردىڭ قۇقىققا قايشى كەلەتٸن ەرەكەتتەرٸ تۋىنداعان جاعدايدا پوليتسييا قىزمەتكەرلەرٸ ولاردىڭ الدىن الۋ ٷشٸن زاڭ اياسىندا ەرەكەت ەتۋگە قۇقىلى. سوڭعى كەزدەرٸ دەرٸگەرلەرگە قاتىستى نەگٸزسٸز سيپاتتاعى اگرەسسييالىق جاعدايلار جيى بولادى.
دەرٸگەر اۋىر جاراقات العان قوستاناي وبلىسىنداعى سوڭعى رەزونانستىق جاعداي وسىنداي شارالاردىڭ قاجەتتٸلٸگٸن راستايدى»,– دەپ اتاپ ٶتتٸ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى قادىر جاراسباەۆ.
بٷگٸندە كٷزەت بەكەتتەرٸ ەرەسەكتەرگە ارنالعان ٷش قالالىق كٶپسالالى اۋرۋحانادا, №2 قالالىق بالالار اۋرۋحاناسىندا جەنە ەكٸ رەسپۋبليكالىق كلينيكادا ۇيىمداستىرىلدى.
جاقىن ارادا پوليتسييا دەپارتامەنتٸمەن بٸرلەسٸپ №1 جەنە №3 كٶپسالالى بالالار اۋرۋحانالارىندا, سونداي-اق قالالىق پەريناتالدىق ورتالىقتا كٷزەت بەكەتتەرٸن ورناتۋ مەسەلەسٸ پىسىقتالۋدا.
مەديتسينا جۇمىسكەرلەرٸ اتالعان باستامانى قولداپ, ونىڭ قاۋٸپسٸز جەنە تۇراقتى جۇمىس ورتاسىن قۇرۋعا ىقپال ەتەتٸنٸن اتاپ ٶتتٸ.
«قاۋٸپسٸزدٸك بەكەتتەرٸ – بٸزدٸڭ ٸس جٷزٸندە قورعالعانىمىزدىڭ بەلگٸسٸ. قابىلداۋ بٶلٸمٸندە تەۋلٸگٸنە تٷرلٸ جاراقاتتارى بار, ەرتٷرلٸ جاعدايدى باسىنان ٶتكەرگەن 400-گە جۋىق ادام جٷگٸنەدٸ. بٸز پاتسيەنتتەردٸڭ عانا ەمەس, سونىمەن قاتار ولاردىڭ تۋىستارىنىڭ دا اگرەسسيياسىنا تاپ بولامىز. بارلىعى شۇعىل كٶمەكتٸ قاجەت ەتەدٸ, ال مەديتسينالىق كٶمەك Triage سۇرىپتاۋ جٷيەسٸ بويىنشا جٷزەگە اسىرىلاتىنى ەسكەرٸلمەيدٸ. ەر پاتسيەنتتٸڭ ٶزٸندٸك «باسىمدىق دەرەجەسٸ» بار. بٸراق, ٶكٸنٸشكە وراي, دەرٸگەرگە دەگەن قۇرمەت جوق», – دەدٸ №2 كٶپسالالى قالالىق اۋرۋحانانىڭ قابىلداۋ بٶلٸمٸنٸڭ مەڭگەرۋشٸسٸ مەدينا تابىلدىقىزى.
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ فيزيكالىق كٷش قولدانعانى جەنە مەديتسينا جۇمىسكەرلەرٸنە قاتىگەزدٸكپەن قاراعانى ٷشٸن جازانى قاتاڭداتۋدى تاپسىرعانىن ەستەرٸڭٸزگە سالامىز.
