ناقتىلانعان دەرەكتەر بويىنشا 2024 جىلى ءجىو ناقتى كولەم يندەكسى 105% قۇرادى.

وندىرىلگەن جالپى ىشكى ءونىمنىڭ كولەمى 136،6 ترلن تەڭگە. ءجىو قۇرىلىمىندا تاۋارلار ءوندىرىسىنىڭ ۇلەسى 35،9%، قىزمەتتەردىكى – 58%. ءجىو وندىرىسىندەگى نەگىزگى ۇلەس ونەركاسىپ سالاسىنا تيەسىلى – 26،1%.

ەڭ جوعارى ءوسىم قۇرىلىس (15،3%)، اۋىل شارۋاشىلىعى، ورمان جانە بالىق شارۋاشىلىعى (13،7%)، كولىك جانە قويما (9،4%)، كوتەرمە جانە بولشەك ساۋدا؛ اۆتوموبيلدەر مەن موتوسيكلدەردى جوندەۋ (8،9%)، وڭدەۋ ونەركاسىبى (6،8%) سالالارى كورسەتتى.

جان باسىنا شاققانداعى ءجىو 2024 جىلى 14 444،6 اقش دوللارىن قۇرادى.

ديناميكادا باقىلانبايتىن ەكونوميكا ۇلەسى 2020 جىلعى 20،2%-تەن 2024 جىلى 16،7%-كە دەيىن تومەندەگەن، ونىڭ ىشىندە زاڭسىز قىزمەت ۇلەسى ءجىو-نىڭ 1،18%.

ءجىو – نارىقتىق باعالارداعى وندىرۋشى-رەزيدەنتتەردىڭ وندىرىستىك قىزمەتىنىڭ تۇپكىلىكتى ناتيجەسى بولىپ تابىلادى. ءجىو-نىڭ نكي ەكونوميكادا ناقتى كەزەڭدەگى تاۋارلار مەن قىزمەتتەر ءوندىرىسى كولەمىنىڭ وزگەرىسىن سيپاتتايدى.