Naqtylanǵan derekter boiynsha 2024 jyly JIÓ naqty kólem indeksi 105% qurady.
Óndirilgen jalpy ishki ónimniń kólemi 136,6 trln teńge. JIÓ qurylymynda taýarlar óndirisiniń úlesi 35,9%, qyzmetterdiki – 58%. JIÓ óndirisindegi negizgi úles Ónerkásip salasyna tiesili – 26,1%.
Eń joǵary ósim Qurylys (15,3%), Aýyl sharýashylyǵy, orman jáne balyq sharýashylyǵy (13,7%), Kólik jáne qoima (9,4%), Kóterme jáne bólshek saýda; avtomobilder men mototsiklderdi jóndeý (8,9%), Óńdeý ónerkásibi (6,8%) salalary kórsetti.
Jan basyna shaqqandaǵy JIÓ 2024 jyly 14 444,6 AQSh dollaryn qurady.
Dinamikada baqylanbaityn ekonomika úlesi 2020 jylǵy 20,2%-ten 2024 jyly 16,7%-ke deiin tómendegen, onyń ishinde zańsyz qyzmet úlesi JIÓ-niń 1,18%.
JIÓ – naryqtyq baǵalardaǵy óndirýshi-rezidentterdiń óndiristik qyzmetiniń túpkilikti nátijesi bolyp tabylady. JIÓ-niń NKI ekonomikada naqty kezeńdegi taýarlar men qyzmetter óndirisi kóleminiń ózgerisin sipattaidy.
