«قايتارىلعان اكتيۆتەردٸ باسقارۋ كومپانيياسى» تەركٸلەنگەن قىمبات ساعاتتاردى E-Qazyna ەلەكتروندىق پلاتفورماسى ارقىلى ٶتكەن اۋكتسيوندا ساۋدالادى, دەپ حابارلايدى Dalanews.kz.
اشىق ساۋدا-ساتتىق 30–31 شٸلدە كٷندەرٸ ٶتتٸ. وندا 14 ەكسكليۋزيۆ قولساعاتى مەن «باتا», «بەتاشار», «سٷيٸندٸر» اتتى كوللەكتسييالىق مونەتالار ساتىلعان. جالپى ساۋدا سوماسى 117,6 ملن تەڭگە. ساعاتتاردىڭ باستاپقى باعاسى 102,5 ملن تەڭگە بولعان.
حابارلامادا اتاپ ٶتٸلگەندەي, اۋكتسيون ەلەكتروندى فورماتتا جەنە تەڭ قولجەتٸمدٸلٸك پرينتسيپٸمەن ۇيىمداستىرىلعان. بۇل تەسٸل اشىقتىقتى قامتاماسىز ەتٸپ, ەدٸلەتسٸز ارالاسۋ مٷمكٸندٸگٸن شەكتەيدٸ.
بارلىق ساعاتتار بۇرىن قولدانىلعانىنا قاراماستان, ساتىپ الۋشىلار ولاردىڭ ساپاسى مەن قۇندىلىعىن جوعارى باعالاعان. اۋكتسيون قورىتىندىسى بويىنشا 14 ساعاتتىڭ بارلىعى جاڭا يەلەرٸن تاپتى.
ەرەجەگە سەيكەس, ساۋدا جەڭٸمپازدارى ساتىپ الۋ-ساتۋ شارتىن 10 جۇمىس كٷنٸ ٸشٸندە جاساسىپ, اكتيۆتەرگە تەك تولىق تٶلەم جاسالعان سوڭ عانا يە بولا الادى.
تٷسكەن قارجى ارنايى مەملەكەتتٸك قورعا اۋدارىلادى. بۇل قاراجات بٸلٸم بەرۋ, دەنساۋلىق ساقتاۋ, ينفراقۇرىلىم جەنە ەلەۋمەتتٸك ەلسٸز توپتاردى قولداۋ سيياقتى ماڭىزدى سالالارعا جۇمسالماق.
