«Qaitarylǵan aktivterdi basqarý kompaniiasy» tárkilengen qymbat saǵattardy E-Qazyna elektrondyq platformasy arqyly ótken aýktsionda saýdalady, dep habarlaidy Dalanews.kz.
Ashyq saýda-sattyq 30–31 shilde kúnderi ótti. Onda 14 ekskliýziv qolsaǵaty men «Bata», «Betashar», «Súiindir» atty kollektsiialyq monetalar satylǵan. Jalpy saýda somasy 117,6 mln teńge. Saǵattardyń bastapqy baǵasy 102,5 mln teńge bolǵan.
Habarlamada atap ótilgendei, aýktsion elektrondy formatta jáne teń qoljetimdilik printsipimen uiymdastyrylǵan. Bul tásil ashyqtyqty qamtamasyz etip, ádiletsiz aralasý múmkindigin shekteidi.
Barlyq saǵattar buryn qoldanylǵanyna qaramastan, satyp alýshylar olardyń sapasy men qundylyǵyn joǵary baǵalaǵan. Aýktsion qorytyndysy boiynsha 14 saǵattyń barlyǵy jańa ielerin tapty.
Erejege sáikes, saýda jeńimpazdary satyp alý-satý shartyn 10 jumys kúni ishinde jasasyp, aktivterge tek tolyq tólem jasalǵan soń ǵana ie bola alady.
Túsken qarjy arnaiy memlekettik qorǵa aýdarylady. Bul qarajat bilim berý, densaýlyq saqtaý, infraqurylym jáne áleýmettik álsiz toptardy qoldaý siiaqty mańyzdy salalarǵa jumsalmaq.
