قازاقستاندا جانارماي باعاسى ەندٸ ەركٸن نارىقتىڭ ەرەجەسٸمەن بەلگٸلەنەدٸ. ەنەرگەتيكا مينيسترلٸگٸ بەنزين باعاسىنىڭ ٶسۋٸ باياۋ جٷرەدٸ دەپ سەندٸرگەنٸمەن, ەكونوميست الماس چۋكيننٸڭ پٸكٸرٸنشە, حالىق جانارمايدىڭ كٷرت قىمباتتاۋىنا ٸشتەي دايىن بولعانى جٶن. بۇل تۋرالى ساراپشى Digital Business باسىلىمىنا بەرگەن سۇحباتىندا مەلٸمدەدٸ, دەپ حابارلايدى Dalanews.kz.
ەكونوميستٸڭ ايتۋىنشا, نارىقتىق لوگيكاعا سٷيەنسەك, قازاقستانداعى اي-92 بەنزينٸنٸڭ باعاسى كٶرشٸ قىرعىزستان مەن ٶزبەكستانداعى كٶرسەتكٸشتەرگە قاراي ويىسادى. قازٸر قىرعىزستاندا اي-92 باعاسى ليترٸنە شامامەن 396 تەڭگە بولسا, ٶزبەكستاندا 482 تەڭگەگە جەتٸپ وتىر.
"كٶرشٸ ەلدەردٸڭ ەركٸن نارىعىنداعى باعانى ەسكەرسەك, بٸزدە دە بەنزيننٸڭ قىمباتتاۋىنا مورالدىق تۇرعىدا دايىندالعان دۇرىس. باعانىڭ ناقتى قالاي ٶسەتٸنٸن تاپ باسىپ ايتۋ قيىن. بٸراق بەنزين باعاسىنىڭ قىرعىزستان مەن ٶزبەكستانداعى دەڭگەيگە قاراي باعىت الۋى ەبدەن مٷمكٸن", – دەدٸ چۋكين.
سونىمەن قاتار, ەكونوميست قازاقستانعا جانارماي باعاسىن رەسەيمەن سالىستىرۋ تيٸمسٸز ەكەنٸن ايتتى. سەبەبٸ رەسەيدە جانارماي نارىعىن مەملەكەت جاسىرىن سۋبسيدييا ارقىلى ۇستاپ وتىر.
"رەسەي بٸرنەشە جىل بۇرىن سالىقتىق مانەۆر جاساپ, ٸشكٸ نارىقتى جاسىرىن سۋبسيدييالاۋ ارقىلى ەلەمدٸك باعا دەڭگەيٸنە كٶشتٸ. رەسەيدەگٸ جانارماي باعاسى سول سەبەپتٸ نارىقتاعى ناقتى جاعدايدى كٶرسەتپەيدٸ. ەگەر ناقتى نارىقتىق باعامەن ەسەپتەسەك, قازاقستاندا بەنزيننٸڭ باعاسى رەسەيگە قاراعاندا ەلدەقايدا جوعارى بولۋعا تيٸس", – دەپ تٷسٸندٸردٸ ەكونوميست.
