Qazaqstanda janarmai baǵasy endi erkin naryqtyń erejesimen belgilenedi. Energetika ministrligi benzin baǵasynyń ósýi baiaý júredi dep sendirgenimen, ekonomist Almas Chýkinniń pikirinshe, halyq janarmaidyń kúrt qymbattaýyna ishtei daiyn bolǵany jón. Bul týraly sarapshy Digital Business basylymyna bergen suhbatynda málimdedi, dep habarlaidy Dalanews.kz.
Ekonomistiń aitýynsha, naryqtyq logikaǵa súiensek, Qazaqstandaǵy AI-92 benzininiń baǵasy kórshi Qyrǵyzstan men Ózbekstandaǵy kórsetkishterge qarai oiysady. Qazir Qyrǵyzstanda AI-92 baǵasy litrine shamamen 396 teńge bolsa, Ózbekstanda 482 teńgege jetip otyr.
"Kórshi elderdiń erkin naryǵyndaǵy baǵany eskersek, bizde de benzinniń qymbattaýyna moraldyq turǵyda daiyndalǵan durys. Baǵanyń naqty qalai ósetinin tap basyp aitý qiyn. Biraq benzin baǵasynyń Qyrǵyzstan men Ózbekstandaǵy deńgeige qarai baǵyt alýy ábden múmkin", – dedi Chýkin.
Sonymen qatar, ekonomist Qazaqstanǵa janarmai baǵasyn Reseimen salystyrý tiimsiz ekenin aitty. Sebebi Reseide janarmai naryǵyn memleket jasyryn sýbsidiia arqyly ustap otyr.
"Resei birneshe jyl buryn salyqtyq manevr jasap, ishki naryqty jasyryn sýbsidiialaý arqyly álemdik baǵa deńgeiine kóshti. Reseidegi janarmai baǵasy sol sebepti naryqtaǵy naqty jaǵdaidy kórsetpeidi. Eger naqty naryqtyq baǵamen eseptesek, Qazaqstanda benzinniń baǵasy Reseige qaraǵanda áldeqaida joǵary bolýǵa tiis", – dep túsindirdi ekonomist.
