ٷكٸمەت ٷيٸندە ٶتكەن باسپاسٶز مەسليحاتىندا پرەمەر-مينيستردٸڭ ورىنباسارى رومان سكليار ەلدەگٸ ەلەۋمەتتٸك تەڭسٸزدٸك, وليگوپولييا مەسەلەسٸ جەنە ازاماتتاردىڭ تابىس دەڭگەيٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
جيىندا جۋرناليستەردٸڭ بٸرٸ قازاقستاندا كەدەي ازاماتتاردىڭ سانى ازايماي وتىرعانىن, ال Forbes تٸزٸمٸندەگٸ ادامدار بايىعان ٷستٸنە بايىپ جاتقانىن ايتىپ, "وليگوپولييامەن كٷرەسەمٸز دەپ ەدٸڭٸزدەر, بٸراق ٸس جٷزٸندە ولار بايىپ جاتىر عوي?" دەپ ساۋال قويدى.
رومان سكليار بۇل پٸكٸرمەن كەلٸسپەيتٸنٸن جەتكٸزدٸ:
"بٸز قازٸر جاڭا قازاقستاندا ٶمٸر سٷرٸپ جاتىرمىز. 2022 جىلى ٶتە كٷردەلٸ سىناقتاردان ٶتتٸك, سودان بەرٸ جاڭا باعىتقا كٶشتٸك دەپ جارييالادىق. بٷگٸنگٸ كٷندە قازاقستاندا وليگوپولييا جوق دەپ ناقتى ايتا الامىن. سٸزدەر ايتقان ادامدار دا, كومپانييالار دا مەملەكەتتٸك ساياساتقا نەمەسە پارلامەنت پەن مەملەكەتتٸك ورگانداردىڭ شەشٸمدەرٸنە ىقپال ەتە المايدى. وليگوپولييالىق قۇرىلىمدار بٸزدٸڭ ەلدە جوق".
ونىڭ ايتۋىنشا, ەلدە دەمونوپوليزاتسييا بويىنشا ٷلكەن جۇمىستار اتقارىلعان. پرەمەر-مينيستردٸڭ تٶراعالىعىمەن ارنايى كوميسسييا قۇرىلىپ, ەلدەن زاڭسىز شىعارىلعان كاپيتالدى قايتارۋ جۇمىستارى دا جالعاسىپ جاتىر.
"بۇرىننان بيزنەسپەن اينالىسىپ جٷرگەن كەسٸپكەرلەر ٶز قىزمەتتەرٸن ارى قاراي جالعاستىرۋعا قۇقىلى. ولار ەل ەكونوميكاسىنا ينۆەستيتسييا سالۋعا, جاڭا جۇمىس ورىندارىن قۇرۋعا جەنە ٶز اكتيۆتەرٸن جاقسارتۋعا مٸندەتتٸ. بۇل – ولاردىڭ تٸكەلەي مٸندەتٸ. مەملەكەت ولارعا ەشقانداي كەدەرگٸ كەلتٸرمەيدٸ", – دەدٸ سكليار.
سونداي-اق, ول قازاقستاندا جۇمىس ٸستەگٸسٸ كەلەتٸن ازاماتتارعا جاعداي جاسالعانىن ەرەكشە اتاپ ٶتتٸ.
"كەدەيلەر سانى ارتىپ, بايلار بايىپ بارا جاتىر" دەگەن پٸكٸرگە قاتىستى ايتارىم, بٸزدە ٶنەركەسٸپ پەن قىزمەت كٶرسەتۋ سالاسىندا كٶپتەگەن بوس جۇمىس ورىندارى بار. مٷمكٸن كەيبٸر ازاماتتار جۋرناليست نەمەسە بلوگەر بولعىسى كەلەتٸن شىعار, بٸراق جاستارعا سۇرانىس جوعارى. ولار باسقا سالاعا ماماندانىپ, جاڭا كەسٸپتٸ يگەرسە, جاقسى تابىس تابا الادى. بۇل ٷشٸن ەڭبەكتەنۋ كەرەك", – دەپ تولىقتىردى ۆيتسە-پرەمەر.
جۋرناليست "ميلليونعا جۋىق ادامنىڭ كەدەيلٸك شەگٸندە ٶمٸر سٷرۋٸ ەدٸلەتتٸ مە" دەپ سۇراعاندا, سكليار بىلاي دەپ جاۋاپ بەردٸ:
"ەلەۋمەتتٸك تۇرعىدان وسال ازاماتتار, جۇمىسقا قابٸلەتسٸز جاندار, قيىن جاعدايعا تاپ بولعاندار مەن مٷگەدەكتٸگٸ بار ازاماتتارعا مەملەكەت تيٸستٸ دەڭگەيدە كٶمەك كٶرسەتٸپ جاتىر. تاعى دا قايتالاپ ايتامىن, ەسٸرەسە جاستار ٷشٸن ەڭبەك ەتٸپ, جاقسى تابىس تابۋعا ەلٸمٸزدە بارلىق جاعداي جاسالعان. ول ٷشٸن ەڭبەكقورلىق پەن جاڭا ماماندىق مەڭگەرۋگە دايىن بولۋ قاجەت. وتباسىن اسىراپ, جاقسى تابىس تابۋعا تولىق مٷمكٸندٸك بار. وعان قوسا, قازاقستاندا بيۋدجەتتٸڭ 50%-دان استامى ەلەۋمەتتٸك ماقساتتارعا جۇمسالادى. دامىعان ەلدەردٸڭ ٶزٸندە مۇنداي كٶرسەتكٸش سيرەك كەزدەسەدٸ", – دەپ سٶزٸن تٷيٸندەدٸ رومان سكليار.
ايتا كەتسەك, 2022 جىلى پرەزيدەنت قاسىم-جومارت توقاەۆ ەلدەگٸ وليگوپولييالىق قۇرىلىمداردىڭ ەلەۋمەتتٸك تەڭسٸزدٸك پەن ەكونوميكالىق پروبلەمالاردىڭ باستى سەبەبٸ ەكەنٸن اتاپ ٶتكەن بولاتىن. مەملەكەت باسشىسى سول كەزدە: "بايلار بايىدى, كەدەيلەر ودان سايىن كەدەيلەنٸپ, مەملەكەتكە دەگەن سەنٸمٸن جوعالتتى", – دەگەن ەدٸ.
