باسەكەلەستىك قورعاۋ جانە دامىتۋ اگەنتتىگىنىڭ ءتوراعاسى مارات وماروۆ شىمكەنت قالاسىنا جۇمىس ساپارى اياسىندا ەلىمىزدەگى ءۇش ءىرى مۇناي وڭدەۋ زاۋىتىنىڭ ءبىرى - "پەتروقازاقستان ويل پروداكتس" جشس-عا دا باردى،دەپ حابارلايدى Dalanews.kz.
ەكسكۋرسيا بارىسىندا ول كاسىپورىنداعى جەكە باسقارۋ ءتاسىلى زاۋىت جۇمىسىنىڭ تيىمدىلىگىنە، اتاپ ايتقاندا، ءجيى جوندەۋ جۇمىستارىنىڭ بولماۋىنا وڭ اسەر ەتەتىنىن اتاپ ءوتتى.
"سىزدەرگە قاراپ، ءبىز شىنىمەن ساپالى ءونىمنىڭ كۋاسى بولامىز: جوندەۋگە كەتەتىن ەڭ از شىعىن، ەڭ باستىسى — پەرسپەكتيۆالى ينۆەستيسيالىق جوبا. ءبىز بۇل جۇمىستاردى ۇلگى بولادى دەپ سانايمىز جانە باسقا ەكى زاۋىتتا دا وسىنداي ءتاسىلدى قولدانۋدى جوسپارلاپ وتىرمىز. جەكەشەلەندىرۋ كەڭسەسى شەڭبەرىندە ءبىز سىزدەردىڭ مىسالدارىڭىزعا سۇيەنە وتىرىپ، جەكە ينۆەستورلارعا ەكى موز-دەگى ۇلەستى ۇسىنباقپىز. سوندىقتان ءبىز بۇل باعىتتاعى جۇمىستى جالعاستىرامىز"، - دەدى مارات وماروۆ.
ايتا كەتسەك، 2024 جىلى اگەنتتىك مۇناي وڭدەۋ نارىعىنداعى باسەكەلەستىكتىڭ جاي-كۇيىنە تالداۋ جۇرگىزدى. ونىڭ قورىتىندىسى بويىنشا، "قازمۇنايگاز" تۇلعالار توبىنا كىرەتىن "پەتروقازاقستان ويل پروداكتس" ج ش س نارىقتا ۇستەم جاعدايعا يە سۋبەكت رەتىندە تانىلدى.
