ەلەمنٸڭ ەڭ اۋقاتتى ادامدارى بٸر كٷندە ميللياردتارىن جوعالتتى. بۇل وقيعا جاي عانا ساندار ويىنى ەمەس, قارجى نارىعىنىڭ بۇلقىنىسى, ساياسي ساحناداعى ويىنداردىڭ ەسەرٸ ەكەنٸ انىق. Bloomberg دەرەكتەرٸنە نازار اۋدارساق, يلون ماسك 148 ميلليارد, دجەفف بەزوس 29 ميلليارد, سەرگەي برين 22 ميلليارد, مارك تسۋكەربەرگ پەن بەرنار ارنو 5 ميلليارد دوللارىنان ايىرىلعان. بۇل نارىقتاعى تۇراقسىزدىق پەن ساياسي بەلگٸسٸزدٸك سەبەپ بولعان.
ترامپتىڭ اقش ەكونوميكاسىنا ەنگٸزٸپ جاتقان ٶزگەرٸستەرٸ ينۆەستورلاردى ەبٸگەرگە سالۋدا. ەسٸرەسە, ونىڭ ۋكرايناعا كٶمەك بەرۋ مەسەلەسٸن قايتا قاراۋى, ەكونوميكالىق ستراتەگيياسىندا كٷتپەگەن قادامدارعا بارۋى نارىقتىڭ جٷيكەسٸنە تيٸپ, اكتسييالاردىڭ قۇنىن تٶمەندەتتٸ.
وسىلايشا امەريكا نارىعى ۋكرايناعا بەرگەن كٶمەگٸنەن ون ەسە كٶپ قارجىنى جوعالتتى. بۇل – ساياسات پەن ەكونوميكانىڭ قاراما-قايشى ەسەرلەرٸنٸڭ انىق كٶرٸنٸسٸ. بٷگٸندە زاماندا باقۋاتتى ادامدار ٷشٸن اقشانىڭ ٶزٸ عانا ەمەس, ونىڭ سەنٸمدٸلٸگٸ ماڭىزدى. ەگەر نارىقتاعى بەلگٸسٸزدٸك ٶسسە, ينۆەستورلار تەۋەكەلدەن قاشادى, ال تەۋەكەلدەن قاشقان ورتادا كاپيتالدىڭ قۇنى كٷرت تٶمەندەيتٸنٸ بەلٸگٸ.
قازٸرگٸ زاماندا تەحنولوگييالىق سەكتور نارىقتىڭ باستى قوزعالتقىشىنا اينالعانى بەلگٸلٸ. ماسك, بەزوس, برين, تسۋكەربەرگ سىندى ميللياردەرلەردٸڭ بايلىعى تٸكەلەي وسى سەكتورعا بايلانىستى. بٸراق سوڭعى ايلاردا دەل وسى يندۋسترييادا ايتارلىقتاي قۇلدىراۋدى باستان ٶتكەردٸ.
Tesla اكتسييالارى 45%-عا تٶمەندەدٸ, ال Amazon, Oracle شامامەن 11%-عا, Dell مەن Nvidia 20%-دان استامعا قۇلدىراعان. بۇرىن سەنٸمدٸ بولىپ كٶرٸنگەن تەحنولوگييالىق الپاۋىتتار قازٸر نارىقتاعى تۇراقسىزدىقتىڭ ەپيتسەنترٸنە اينالىپ وتىر. ينۆەستورلار جوعارى باعالانعان تەحنولوگييالىق كومپانييالاردىڭ اكتسييالارىن جاپپاي ساتا باستاعان. بۇل ٷردٸس جالعاسا بەرسە, الداعى ۋاقىتتا تەحنولوگييالىق سالادا ٷلكەن ٶزگەرٸستەر بولۋى مٷمكٸن.
قارجى نارىعى ەردايىم ٶزٸنە تەن ديناميكامەن داميدى. ۇزاق ۋاقىت بويى ٶسٸمدە بولعان اكتيۆتەر بەلگٸلٸ بٸر كەزەڭدە قۇلدىراۋعا ۇشىرايدى. بۇل زاڭدى قۇبىلىس. بٸراق وسى جولعى قۇلدىراۋ ەرەكشە اۋقىمدى بولدى. وعان باستى سەبەپ – ينفلياتسييانىڭ قايتا كٷشەيۋ قاۋپٸ مەن اقش ەكونوميكاسىنىڭ تۇراقسىزدىعى.
ترامپتىڭ ساياسي ۇستانىمى بيزنەس قاۋىمداستىعى ٷشٸن تىم بولجاپ بولمايتىن سيپاتقا يە. ونىڭ مەلٸمدەمەلەرٸ مەن قادامدارى نارىقتىڭ سەنٸمٸن شايقالتىپ, ميللياردەرلەردٸڭ بايلىعىنىڭ قۇنىن تٶمەندەتٸپ جاتىر. ەگەر ساياسي تۇراقسىزدىق پەن ەكونوميكالىق بەلگٸسٸزدٸك جالعاسا بەرسە, مۇنداي شىعىندار تەك تەحنولوگييالىق سەكتورعا عانا ەمەس, بٷكٸل جاھاندىق قارجى جٷيەسٸنە ەسەر ەتۋٸ مٷمكٸن.
اقشا تەك ساندار عانا ەمەس, ول – بيلٸك, ول – ىقپال. ميللياردەرلەردٸڭ بايلىعى ازايعان سايىن, ولاردىڭ نارىقتاعى ورنى دا ٶزگەرەدٸ. بۇل جاعداي نارىقتىق ويىنشىلار ٷشٸن ٷلكەن ساباق بولۋى مٷمكٸن. كەزٸندە ٶزگەرمەيتٸندەي كٶرٸنگەن قارجىلىق الىپتار ەندٸ ٶزدەرٸنٸڭ پوزيتسيياسىن قايتا باعالاۋعا مەجبٷر. بۇل تەك باسى عانا بولۋى مٷمكٸن.
